1 TAWARIKH 4:15 - KITAB NU TUMPU ALLA LELE MA'IMAI'

¹⁵ I Kaleb anak i Yefune, kino anak mo'ane aha totolu': i Iru, i Ela tiba i Naam. Anak i Ela aijo'mo i Kenas.

1 TAWARIKH 4:15 ပူးပေါင်းရင်းမြစ်များ

1 TAWARIKH 4:14

Anak i Meonotai aijo'mo i Ofra. Anak i Zeraya aijo'mo i Yoab, anu nombau Bangka'nyo nu aha to Tuka-tukang. Iwi-iwi' na mian anu jojoong i Bangka'nyo aijo' aha anu toto pande-pande na mombau apa-apaa.

1 TAWARIKH 4:16

I Yehaleleel kino anak mo'ane aha opat: i Zif, i Zifa, i Tireya tiba i Asareel.

NOMBILANGMO 13:30

Panyo i Kaleb nompokinde'imo da sanang na kinyonyoa nu to mia-mian anu nososonmo hi Musa. Notatae na i Kaleb, “Lipu' aijo' tionyo ahi' otumbuhintomo ka' o alantomo uuka aiya, kalana kita to hoso-hoson timbali mompokala aha.”

NOMBILANGMO 14:24

Panyo madi' sumo aijo' na posaihon-Ku i Kaleb. Ia saja' tulu-tulutan hi beleng-Ku. Kalana aijo' ku boa na ia i lipu' anu pininsoopannyomo. Uuka aiya aha mian nu Amalek ka' aha mian nu Kana'an jojoong kiijo' i bangka'nyo. Panyo da'erah aijo' saidi' mae timbalimo anu nu lee' i Kabel, posaihon-Ku aijo'. Dodop belemiu tionyo ahi' minsusule'mo mambamo i padang bola sasu Luoknyo nu Akaba.”

NOMBILANGMO 14:30

Kalana aijo' belemiu tionyo ahi' matemo ka' bangke' nu belemiu motanatamo i padang bola aiya. Olamo i Kaleb ka' i Yosua na anu daagi' tumuu', madi' ko samian pe'e anu atina' hi belemiu anu umunnyo uampulu'mo na taun mokiita' na timbali minsoop i lipu' anu jinanji'-Kumo hi belemiu.