1 TAWARIKH 4:10 - KITAB NU TUMPU ALLA LELE MA'IMAI'

¹⁰ Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

1 TAWARIKH 4:10 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 12:8

Lapas aijo' ia nambamo i sasu selatan, mokiijo' i da'erah anu mabungkut i sasu kabete'an kota nu Betel, ka' nombaumo kemah i olot nu Betel ka' Ai: Betel i sasu kinsoban ka' Ai i sasu kabete'an. Ka' suele mule' ikiijo' ia nompotinjomo mezbah ka' nonsombahmo Tumpu.

KAJADIAN 28:20

Lantas i Yakub binasumpa'mo, “De Belento Tumpu montulungi ka' monjagai mae aku i lumambanan aiya ka' mombee'i mae aku anu okaan ka' pakean,

KAJADIAN 28:21

sahingga aku minsusule'mo i laigan nu tuumangku madi' ko anu mompoposia, Belento Tumpu timbalimo Tumpu Allah-ngku.

KAJADIAN 32:26

Lantas mian aijo' notataemo, “Lapasakonmo mae na aku, madi'mo pin sinaa bete'mo.” Tinaaman i Yakub, “Madi' ku lapasakon na kita Tuan, beilako' kita Tuan mombalakati mae aku.”

KAJADIAN 32:27

“Ihe na sanggo nu beleyum?” pinokilawa nu mian aijo'. Tinaamannyo, “i Yakub”.

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 33:20

Lapas aijo' ia nompotinjomo mezbah ikiijo' ka' sinanggohannyomo “El, Tumpu Allah nu aha Israel”.

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

1 TAWARIKH 16:8

Montalimah kase hi Tumpu, bebakon na katalasanggoan-Nyo, osisikakon apaa na anu binau-Nyomo hi to bansa-bansa.

1 TAWARIKH 4:11

I Kelub utus i Suha kino anak mo'ane sanggonyo i Mehir. Anak i Mehir aijo'mo i Eston,

1 TAWARIKH 4:9

Daagi' ko samian na mo'ane sanggonyo; i Yabes; ia na lebe o'angga'i, panyo to utu-utusnyo sangga'at madi'. Ia sinanggohan nu tinanyo i Yabes, kalana talalo hondo nonsansala tinanyo tempo'nyo nohampeakon ia.

AYUB 12:4

Aku kinokojoanmo nu sangalu ka' mian anu mompahasumbu', yo aitu aku aiya hondo ahi' ka' madi' ahi' ko kasala'an. U'utu mae tinaaman nu Tumpu Allah na do'angku, de aku momoita tulung.

MAZMUR 119:173

O' amalakon da Belento saja' sanang mae na montulungi aku, kalana aku nompile'imo da montulutimo atulan nu Belento.

MAZMUR 121:7

Tumpu na monjagai beleyum da madi' mohumpak balaa' Ia na monjagai beleyum da kantumuu'an nu beleyum salamat.

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 21:4

Belento tinokamo hi ia nomboai balakat anu manjoo' hondo, ka' nomposongko'mo makota' mosoni' i ubaknyo.

MAZMUR 51:12

Pojadiakon mae na kinyonyoangku anu madi' ko galo-galo'nyo o Tumpu, po ule' bau mae da bu'ou na kinyonyoangku ka' ko kasabanan ahi'.

MAZMUR 51:8

Belento montutut kinyonyoa anu hodi'; isi mae na kinyonyoangku nu kapandean lengkat mae hi Belento.

MAZMUR 55:16

Bakas da anu monsampobali' mae aku monti-montik silakamo ka' daagi' tutuu' mintatau'mo i dunia nu mian anu sinilakamo, kalana kalakuan anu ma'idek kiijo' i laigan nu aha, kiijo' i kinyonyoa nu aha.

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

AMSAL 30:8

Da boli sampe aku montaeakon potatae anu madi' adin ka' baleko', ka' boli opojohok na aku kasiasi kabai kaya. Ola anu ku palalui na bee'mae hi belengku.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:17

De bansang-Ku sisinoe'mo aijo' moliomo uee, ka' gogohong nu aha pakamo kalana negotmo, saba' Aku, Tumpu na montaamije do'a nu aha; Tumpu nu Israel na madi' ahi' mompala'i mian anu palesayamo hi Ia.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 19:42

Tukoo-Nyo, “Paya', na kino'ima'nyo de sinaa aiya nusumbu'mo apaa na anu timbali mompodaagi' mae paladamean! Panyo uuka beleyum madi' moko ala montoa.

YOHANES 10:28

Aku mombee'i aha kantumuu'an kopian ka' toka sidu-sidutu', ka' sidu-sidutu' aha madi' silaka. Madi' ko samian pe'e mongagoi aha i limang-Ku.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

ROMA 16:19

Iwi-iwi' na mian nonsumbu'mo, komiu mohongo-hongo hondo pangajalan mongkona Lele Ma'ima' anu nolengkat mae hi Tumpu. Ka' aku mule' sanang i han anu sumu aijo' hi komiu. Kugagan da komiu pande i hahan anu ma'ima', ka' ponga' i hahan anu ma'idek.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

EFESUS 3:20

Kalana kuasa nu Tumpu anu saja' mokalaja i uno nu butongto, Tumpu timbali mombau anu lebe manjoo' molingkudui apaa na anu opoitanto kabai anu opopikinakonto.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.

1 SAMUEL 1:17

Lantas notataemo na i Eli, “De sumo itina' pinsusule'mo ma'i-ma'ima'. O'amalakon da Tumpu Allah nu Israel mompopo ii'mo apaa na anu nu poita.”

1 SAMUEL 1:20

Boune aijo' pinoboamo ka' nohampeakonmo anak mo'ane. Sinanggohannyomo i Samuel, “kalana koonyo pinoitangkumo hi Tumpu.”

1 SAMUEL 1:26

I Hana notataemo hi Eli, “Ampun kita Tuumangku. Ugaat daagi osumbu' nu belento na aku kita Tuumangku aku tinuminjo' i aiya balado'a hi Tumpu.

1 SAMUEL 1:27

Anakmo ai-aiya na pinoitangku hi Tumpu. Do'angku pinopii Nyomo mae,