1 TAWARIKH 3:10 - KITAB NU TUMPU ALLA LELE MA'IMAI'

^10-14 Tundulan nu to tomu-tomundo' Israel lengkat hi Tomundo' Salomo sampe tinoka hi Yosia sumo uuka: i Salomo, i Rehabeam, i Abiam, i Asa, i Yosafat, i Yehoram, i Yoas, i Amazia, i Uzia, i Yotam, i Ahas, i Hizkia, i Manasye, i Amon, tiba i Yosia.

1 TAWARIKH 3:10 ပူးပေါင်းရင်းမြစ်များ

1 TOMU-TOMUNDO' 11:43

Lapas aijo' ia sinilakamo ka' ilamunmo i Kota' Daud. Lantas i Rehobeamo anaknyo momo'ane na binau tomundo' nombolosakon ia.

1 TOMU-TOMUNDO' 14:31

Mamanga ahi' i Rehabeam sinilakamo ka' ilamunmo i tampat pinolamunan to tomu-tomundo' i kota' Daud. I Abiam anaknyo momo'ane na nombolosi ia salaku tomundo'.

1 TOMU-TOMUNDO' 15:24

Ia sinilakamo ka' i Yosafatmo, anaknyo momo'ane na binau tomundo' nombolosakon ia.

1 TOMU-TOMUNDO' 15:6

I Rehabeam lewa' nahampate tiba i Yerobeam salatan pe'e tempo'nyo i Rehabeam nompalentah sampe tinoka-toka i Abiammo na mompalentah.

1 TOMU-TOMUNDO' 15:8

Salatan i Abiam suele sinilakamo ia i lamunmo i Kota Daud. I Asa anaknyo na nombolosakon ia binau tomundo'.

1 TAWARIKH 3:9

Ka' daagi' nule' ko anak i Daud anu to momo'ane hi ambahue'nyo sangga'at. Ia suele kino anak boune samian sanggonyo i Tamar.

2 TAWARIKH 13:1

I taun ko sampulu'nyomo ka' ualu' na i Tomundo Yerobeam nompalentah Israel, i Abia tinimbalimo tomundo nu Yehuda,

2 TAWARIKH 14:1

Salatan sinilakamo na i Tomundo Abia ka' i lamunmo i pinolamunan to tomu-tomundo i kota' Daud, i Asa anaknyo momo'ane na i hangkatmo binau tomundo pinombolosi ia. Tempo'nyo i Asa nompalentah lipu' nu Yehuda madi'mo ko anu lewa' mamba mae mompahampateakon, sinampulu' na taun na kinopinnyo.

2 TAWARIKH 17:1

I Yosafat tinimbalimo tomundo nu aha Yehuda nombolosakonmo tuumanyo i Asa, ka' ia binala'usahamo da mahoson na mongewa Israel.