1 TAWARIKH 29:9 - KITAB NU TUMPU ALLA LELE MA'IMAI'

⁹ Sanang na kinyonyoa nu mian da'isan hi Tumpu ka' aha i lame'mo kalana nanjoo'mo na anu binee'mo nu aha hi Tumpu. I Tomundo' Daud suele i lame'mo hondo.

1 TAWARIKH 29:9 ပူးပေါင်းရင်းမြစ်များ

1 TOMU-TOMUNDO' 8:61

Tionyo ahi' belemiu, mian anu palesayamo hi Ia saja' ahi' tulu-tulutan hi Tumpu, Tumpu Allah-nto ka' montuluti atulan-Nyo iwi-iwi' susumo anu binaumo nu belemiu sinaa aiya.”

2 TOMU-TOMUNDO' 12:5

Batu-batu imam tionyo ahi' mompangakui mongatun ima-ima' doi anu nu sombahkon nu to mia-mian anu nu atun akon nu aha na momboa mae palasombahan. Doi aijo' opake mompokopiani anu na'idekmo na apa-apaa i Laigan nu Tumpu.

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

2 TAWARIKH 17:16

Ko totolu'nyo i Amazia anak i Zikri; ia mongkapalai aha 200.000 na suludadu. (I Amazia mian anu ola montulu-tulungi panyo palesaya hi Tumpu.)

2 TAWARIKH 24:10

Apaa na anu binebakonnyomo aijo' nomposanangmo kinyonyoa nu mian da'isan ka' mule' to pola-polaya' nu aha. Lame-lame' na aha nongisi doi pombayan hasin nu aha i kas aijo'.

2 TAWARIKH 31:8

Salatan tinoamo na konjo'nyo apaa na anu binee'mo nu aha aijo', i Tomundo Hizkia ka' to mia-mian anu ko pangkatnyo nompuji'mo Tumpu ka' nompuji'mo mian da'isan aha mian Israel, mian anu pinalesayamo hi Ia.

EZRA 1:6

Iwi-iwi' na Laigan anu mompaha ohani aha nontulungimo ka' nombee'mo pakakas susumo umpamanyo salaka tiba mosoni', ka' mule' anu bau mantu i jalan, binatang anu pomposake'an boaon, halata' sangga'at ka' apa-apaa na anu osombahkon i Laigan nu Tumpu.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

LUKAS 15:6

lantas binoanyomo ninsusule'. Ka' ilapas aijo' i laganyomo na to sanga-sangalunyo tiba anu mompaha ohani laigannyo ka' notatae, ‘Imbo' da kita balame-lame'. Dombangku anu inolapus po'ule'mo kinabotku!’

YOHANES 15:11

Iwi-iwi' aiya Ku poto'i hi komiu, da kalame'an-Ku itina' i kinyonyoaum, ka' kalame'anum timbali ma'ima'.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 8:3

Aku timbali montantukan aha mombee'i apaa na anu nupoko ala nu aha, sadang aijo' pe'e pa' nolabi. Madi' pilenje ko anu nompokau,

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

FILIPI 4:10

I uno nu kantumuu'anku anu nosa'angu'mo tiba Tumpu, ku oa'i ma'ima' hondo, kalana salatan sumo uukamo na kopinnyo, uuka aiya komiu po'ule' mule' mompopikilakon mosia na kantumuu'anku. Patunyo nu potataengku misa' kalana ugaat komiu nongkolilimimo aku; komiu memang monginau' aku, panyo komiu madi' ko tempo' mompotoa mae pontulungi.

TO MIA-MIAN KOPIAN 5:9

Kona hi aha kapala nu suludadu nu aha Israel anu matangkas hondo na pangkatnyo anu sanang na kinyonyoanyo nompoita mamba mahampate talalo hondo ku angga'i. Opuji' na Tumpu!