1 TAWARIKH 28:9 - KITAB NU TUMPU ALLA LELE MA'IMAI'

⁹ Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TAWARIKH 28:9 ပူးပေါင်းရင်းမြစ်များ

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

1 TOMU-TOMUNDO' 3:6

Tinaaman i Salomo, “O Tumpu, Belento nompotoamo mae taalu' totu-totu'u ahi' na Belento mongkalibosi tuumangku i Daud, posaihon nu Belento aijo'. Ia ma'ima' ka' hodi' na kinyonyoanyo, ka' montuluti hondo Belento, Ka' salaku pombalosi nu Belento taalu' belento saja' ahi' mongkalibosi ia, belento nombee'imo ia samian na anak mo'ane anu tempo' uuka aiya nompalentahmo nombolosakon ia.

1 TOMU-TOMUNDO' 8:39

de timbali da Belento kiita' mae i suluga' i uno nu kajojoongan nu Belento mompotombihingakon mae ka' mongampuniakon mae ka' montulungi aha. Ola Belento na monsumbu' kinyonyoa nu mian. Kalana aijo' o hukum na toto samian apaa na anu binaunyomo,

1 TOMU-TOMUNDO' 8:43

O poita da itina' mae i kajojoongan nu Belento i suluga' o hongo mae nu Belento na do'anyo ka' bee'mo apaa na anu pinoitanyomo. Sahingga iwi-iwi' na bansa i songko-songko na dunia monsumbu'mo Belento ka' montulutimo Belento susumo mian nu Israel anu pinalesaya'mo. Da nusumbu' nu aha na laigan anu ku bau aiya bau tampat ponsomban Belento.

1 TOMU-TOMUNDO' 8:61

Tionyo ahi' belemiu, mian anu palesayamo hi Ia saja' ahi' tulu-tulutan hi Tumpu, Tumpu Allah-nto ka' montuluti atulan-Nyo iwi-iwi' susumo anu binaumo nu belemiu sinaa aiya.”

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

2 TOMU-TOMUNDO' 21:22

Ia madi' tinumuu' nombatuki pongka'oho' nu Tumpu, aitu pe'e ia nohikumo Tumpu, Tumpu Allah anu sinombah nu mompolee'nyo.

2 TOMU-TOMUNDO' 22:2

I Yosia nombaumo hahan anu momposanang kinyonyoa nu Tumpu. Ia nontihomo kalakuan i Tomundo' Daud mompolee'nyo ka' tinulutannyomo totu-totu'u na atulan nu Tumpu Allah.

1 TAWARIKH 22:19

Jadi tionyo ahi' belemiu palesaya ka' mohongo-hongo Tumpu Allah nu belemiu i uno nu kinyonyoa totu-totu'u ka' i uno nu kantumuu'an nu beleyum. Tampu'unimo na mombau laigan anu bau ponsomban Tumpu, da Peti' Palajanjian-Nyo ka' iwi-iwi' na pakakas sangga'at anu opake samata-mata de monsombahmo Tumpu, opo'una'mo i kiijo'.”

1 TAWARIKH 28:8

Lantas notatae mule' na i Daud, “Jadi uuka aiya, belemiu to mia-mianku, i ahop nu Tumpu Allah-nto ka' i ahop nu kita iwi-iwi' Israel mian anu pinalesayamo hi Tumpu Allah-nto. Tiba jalan anu sumo aijo' lipu' anu ma'ima' aiya tataap sabole-bole belemiu na tumpunyo ka' toka-toka i lee' nu belemiu na montumpui sampe toka sidu-sidutu'.”

1 TAWARIKH 29:9

Sanang na kinyonyoa nu mian da'isan hi Tumpu ka' aha i lame'mo kalana nanjoo'mo na anu binee'mo nu aha hi Tumpu. I Tomundo' Daud suele i lame'mo hondo.

2 TAWARIKH 12:5

Tempo'nyo aitu i Tomundo Rehabeam ka' to pola-polaya' nu Yehuda sinilimu'mo i Yerusalem kalana nopalaimo mae nabuhukmo hi Sisak. I Nabi Semaya tinokamo hi aha ka' nompoto'i, “Sumo uuka na koonyo nu Tumpu, ‘Belemiu nohikumo Aku, jadi uuka aiya Aku suele mohikumo belemiu sahingga belemiu nu kuasaimo i Sisak.’ ”

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

EZRA 8:22

Aku mabuhuk na momoita hi tomundo suludadu anu monsake'i ajahan da monjagai kami da boli opoposia nu sampobali' hau-haunyo kami lumajang. Kalana pinoto'ingkumo hi ia, tukoongku Tumpu Allah mami mombalakati batu-batu mian anu monsombah Ia, panyo mongka'ideki ka' mohukum batu-batu mian anu madi' tulu-tulutan hi Ia.

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 7:10

Bolimo opobee' na kalakuan nu mian anu ma'idek aijo'mo mian anu palagaga ka' pododoakon na kinyonyoa nu mian anu ma'ima' na kinyonyoanyo kalana Belento Tumpu anu adin, anu moko ala mongkiop hondo kinyonyoa nu mian ka' pikilan nu manusia.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

MAZMUR 89:26

Kalaja'annyo ku paka po'ewamo, lengkat mae i Ambai anu i Totonga'nyo toka-toka i Kaunyo nu Efrat.

MAZMUR 89:38

Kalaja'annyo sabole-boleh daagi' susumo bitu'on, anu aita mae i kundom, saja' mae monsakisi'i.”

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 3:16

Lako'mo ka' limu'mo iwi-iwi' na to pola-polaya' nu Israel. Poto'i hi aha taalu' Aku, Tumpu, Tumpu Allah nu mompolee' nu aha Tumpu Allah i Abraham, i Ishak ka' i Yakub, nanintoamo hi beleyum. Poto'imo hi aha taalu' Aku tinokamo hi aha ka' nontoamo mosia na aha okabisa'i nu bansa Mesir.

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

AMSAL 4:4

aku pinogulu'mo nu tuumangku. Ia notatae, “O'inau' na to poki-pokinde'ku, boli hondo-hondo okolilimi nu beleyum. Sabole-bole obau apaa na anu pinotiju'kumo, da mohumpak ka'ima'an na kantumuu'an nu beleyum.

YESAYA 1:28

Panyo aha to mia-mian anu baladosa' anu saja' motomuhuk hi Ia na opateimo ahi'.

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

YESAYA 45:19

Aku motatae madi' oposuluk, kabai opohowini. Aku madi' mompokau mian anu palesayamo hi beleng-Ku, Israel molio Aku ola palasuma. Aku, Tumpu, na nontaloakon han anu totu'u, ka' nompoto'imo apaa na anu madi'sala'.”

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 20:12

Panyo O Tumpu Anu Balakuasa, adin hondo na Belento nonguji'mo manusia; sinumbu'mo nu Belento na kinyonyoa tiba pikilan nu aha. Kalana aijo' situjui mae na aku montoa Belento mombalosakon palabuatan ma'idek nu sampobali' kalana hi Belentomo na ponsimpalakonankumo palakalangku.

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 29:13

Belemiu moliomo Aku ka' Aku ohumpakmo nu belemiu, kalana oliomo nu belemiu nu kinyonyoa anu totu-totu'u.

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

YEHEZKIEL 11:5

Lapas aijo' Roh nu Tumpu nongkuasaimo mae aku ka' aku pinokaumo nu Tumpu da motatae hi aha mian nu Israel, “O, bansang Israel, Ku sumbu' apaa na anu nu taloakon nu belemiu ka' anu nu tanga'i nu belemiu.

YEHEZKIEL 38:10

Tumpu Anu Matangkas na Kuasanyo notataemo hi Gog, “Toka itempo'nyo aijo' beleyum batanga'mo mombau palabuatan anu ma'idek.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 4:24

Kalana Tumpu aijo' Roh, ka' ola kalana kuasa nu Roh nu Tumpu, to mia-mian moko ala monsombah Tuuma susumo daagi' ko Ianyo.”

YOHANES 8:55

padahan komiu madi' monsumbu' Ia. Panyo Aku monsumbu' Ia. De Aku motatae Aku madi' monsumbu' Ia, tantu Aku samian na anu baleko' pokakana sumo komiu. Aku monsumbu' Ia ka' mohongo-hongo potatae-Nyo.

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

SISIKON NU TO RASUL-RASUL 17:23

Kalana tempo'nyo aku kinolalajang nonsongkohi kota miu ka' mompalahatikan tampat-tampat ponsombaan miu, aku nontoa mule' sa'angu' na tampat ponsombahkonan koloban; i tampat aijo' tinulis, ‘Toka hi Tumpu Anu Madi' Osumbu'.’ Jadi, Tumpu Allah anu osombah miu, panyo madi' osumbu' miu, Iamo na anu ku polele hi komiu.

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 9:7

Batu-batu mian tionyo mombee' iya na kasanangan nu kinyonyoanyo. Boli ia mombee' bata-bata kabai kalana opakisa, kalana Tumpu mongkalibosi mian anu mombee' nu kinyonyoa sanang.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 31:21

ka' manjoo'mo na balaa' anu okabuhuk montokaimo aha. Panyo nyanyian aiya saja' onyanyiakon ka' opake salaku bau pomponyata' hi aha. Ka' mule' uuka aiya ma'isa pe'e binoang-Ku namba i lipu' anu jinanji'-Kumo, pikilan nu aha sinumbu'-Kumo.”

PO'ULE' INGULIT 4:35

Iwi-iwi' aijo' pinotoamo nu Tumpu hi belemiu da bau pomponyata' saba' ola Tumpu, aijo'mo na Tumpu Allah ka' madi'mo ko sangga'atannyo.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 12:20

I Samuel po'ule'mo nontaami, “Boli mabuhuk maumo belemiu nombaumo kalakuan anu ma'idek aijo', boli okolilimi na Tumpu, panyo ola ahi sabole-bole otuluti na Ia totu-totu'u nu kinyonyoa miu.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”