1 TAWARIKH 28:8 - KITAB NU TUMPU ALLA LELE MA'IMAI'

⁸ Lantas notatae mule' na i Daud, “Jadi uuka aiya, belemiu to mia-mianku, i ahop nu Tumpu Allah-nto ka' i ahop nu kita iwi-iwi' Israel mian anu pinalesayamo hi Tumpu Allah-nto. Tiba jalan anu sumo aijo' lipu' anu ma'ima' aiya tataap sabole-bole belemiu na tumpunyo ka' toka-toka i lee' nu belemiu na montumpui sampe toka sidu-sidutu'.”

1 TAWARIKH 28:8 ပူးပေါင်းရင်းမြစ်များ

1 TAWARIKH 28:7

De ia totu-totu'u saja' montuluti atulan-Ku iwi-iwi' ka' palentah-ngKu iwi-iwi' susumo anu binaunyomo uuka aiya, Ku pohosonmo na kalaja'annyo sampe toka sidu-sidutu'.”

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

EZRA 9:12

Kami tinewa'mo nu nabi haha aijo' da bolimo mogogalo'an na mo'osoa tiba mian haha aijo', kabai montulungi aha da timbali bilahi kabai da mohumpakmo kantumuu'an anu lebe ma'ima'. De totu-totu'u kami tulu-tulutan, kami mohumpakmo kahosonan ka' mongkaanmo hasin nu tano' aijo' ka' baumo bahagian nu lee' mami sampe toka sidu-sidutu'.

MAZMUR 119:27

Tulungiakon mae na aku da monsumbu' atulan nu Belento iwi-iwi', pangajalan nu Belento anu mompobangang hondo ku potutugakonmo.

MAZMUR 119:4

Belento nombee'imo mae kami atulan nu Belento o Tumpu, da obau mami ma'i-ma'ima'.

MAZMUR 119:44

Aku kahanda'mo mintoong hi atulan nu Belento, sampe toka sidu-sidutu'.

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

AMSAL 3:1

Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo,

YESAYA 34:16

Soba lio ka' basa' i uno nu Kitab nu Tumpu; Madi' ko sa'angu' pe'e na binatang haha aijo iwi-iwi' ko anu molapus kabai anu madi' moto osoa. Kalana memang sumo aijo'mo ahi' na palentah nu Tumpu ka' posi Ia ahi' na nomposihukmo aha.

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

PO'ULE' INGULIT 27:1

Lapas aijo' tiba to pola-polaya' nu aha Israel, i Musa nompoto'imo potuunon aiya hi bansa aijo', “Otuluti na palentah iwi-iwi' anu binee'kumo sinaa aiya hi belemiu.

PO'ULE' INGULIT 29:10

Sinaa aiya belemiu iwi-iwi' tuminjo i ahop nu Tumpu Allah nu belemiu, iwi-iwi' na kapala nu tulunan nu bansa, to tu'a-tu'anyo, to kapa-kapala nu suludadu, to momo'ane iwi-iwi',

PO'ULE' INGULIT 29:15

panyo kona hi toto samian anu sinaa aiya tinuminjomo i aiya, i ahop nu Tumpu Allah-nto, ka' suele tiba lee'to anu aiya mae i ahop.”

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

PO'ULE' INGULIT 5:32

To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”