1 TAWARIKH 28:7 - KITAB NU TUMPU ALLA LELE MA'IMAI'

⁷ De ia totu-totu'u saja' montuluti atulan-Ku iwi-iwi' ka' palentah-ngKu iwi-iwi' susumo anu binaunyomo uuka aiya, Ku pohosonmo na kalaja'annyo sampe toka sidu-sidutu'.”

1 TAWARIKH 28:7 ပူးပေါင်းရင်းမြစ်များ

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

1 TOMU-TOMUNDO' 3:14

Ka' de beleyum sumo tuuma nu beleyum i Daud, montuluti Aku ka' mombatuki atulan-Ku iwi-iwi', Ku bee'i na beleyum tuumu' mantan na umun.”

1 TOMU-TOMUNDO' 8:61

Tionyo ahi' belemiu, mian anu palesayamo hi Ia saja' ahi' tulu-tulutan hi Tumpu, Tumpu Allah-nto ka' montuluti atulan-Nyo iwi-iwi' susumo anu binaumo nu belemiu sinaa aiya.”

1 TAWARIKH 22:13

De beleyum montuluti iwi-iwi' palentah anu binee'mo nu Tumpu hi Musa anu ogunakon hi bansa Israel, beleyum moko ala mompotimbali laigan aijo'. Beleyum tionyo ahi' totu-totu'u na kinyonyoa ka' baani. Boli mabuhuk na mongahopi maumo pa'apaa.

1 TAWARIKH 28:10

Potutugakon ima-ima' saba' Tumpu nompile'imo beleyum da mombau laigan anu samata-mata opake ponsomban Ia. Jadi uuka aiya baumo na aijo' ka' okinyonyoai ahi' totu-totu'u.”

1 TAWARIKH 28:8

Lantas notatae mule' na i Daud, “Jadi uuka aiya, belemiu to mia-mianku, i ahop nu Tumpu Allah-nto ka' i ahop nu kita iwi-iwi' Israel mian anu pinalesayamo hi Tumpu Allah-nto. Tiba jalan anu sumo aijo' lipu' anu ma'ima' aiya tataap sabole-bole belemiu na tumpunyo ka' toka-toka i lee' nu belemiu na montumpui sampe toka sidu-sidutu'.”

MAZMUR 132:12

De to ana-anak nu beleyum tulu-tulutan hi apaa na anu jinanji'-Kumo, ka' montuluti iwi-iwi' na palentah-ngKu, sahingga sampe toka sidu-sidutu' na lee' nu aha mombolosakon beleyum salaku tomundo'.”

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.