1 TAWARIKH 28:5 - KITAB NU TUMPU ALLA LELE MA'IMAI'

⁵ Ia nombee'imo mae aku anak manjoo' ka' anak haha aijo' iwi-iwi' pinile'an-Nyomo na i Salomo nompalentah Israel kalaja'an nu Tumpu.

1 TAWARIKH 28:5 ပူးပေါင်းရင်းမြစ်များ

1 TOMU-TOMUNDO' 1:13

malia-lia' mamba mangadap hi Tomundo' Daud, ka' poto'i hi ia sumo uuka: ‘Te misa' belento Tomundo' binaumpa'mo hi belengku da i Salomo anaku anu momo'ane o hangkatmo bau tomundo' mombolosi belento Tomundo'? Uuka aiya, kadaka' i Adoniamo na tinimbali tomundo'?’ ”

1 TOMU-TOMUNDO' 1:20

Kita mian daka' anu talasanggo, iwi-iwi' na mian da'isan nu Israel, uuka aiya lewa'mo montanda'i ihe na otiju' nu belento Tomundo', timbali tomundo' mombolosakon belento Tomundo'.

1 TOMU-TOMUNDO' 1:35

Lapas aijo' batukimo mae na ia minsusule' mae i aiya monsuhangi kasuhanganku, kalana ia na anu pinile'ankumo bau tomundo' mombolosakon aku, da mompalentah Israel tiba Yehuda.”

1 TOMU-TOMUNDO' 2:15

Tinaaman i Adonia, “Da o sumbu' nu belento pontina'on sabenannyo aku ahi' na timbali tomundo'; aijo' tinahaimananmo nu mian Israel iwi-iwi', panyo' anu jinadi misa' sumo aijo'; utus ise'kumo na tinimbali tomundo' kalana sumo aijo' na pongka'oho nu Tumpu.

1 TOMU-TOMUNDO' 8:20

Uuka aiya Tumpu nongganapimo anu jinanji'-Nyomo Aku tinimbali Tomundo' nu Israel nombolosakon tuumangku, ka' aku mule' nombaumo Laigan bau ponsomban Tumpu, Tumpu Allah Israel.

1 TAWARIKH 17:14

Anak nu beleyum anu momo'ane anu pinile'an-Kumo aijo' Ku potimbalimo tomundo' hi aha mian anu pinalesayamo hi beleng-Ku, ka' kalaja'an-Ku sampe toka sidu-sidutu' ka' anak makumpunyo molapi-lapis na lee'nyo na mompalentah salaku tomundo'.’ ”

1 TAWARIKH 23:1

Salatan i Tomundo' Daud i langkai'mo hondo ia nohangkatmo i Salomo binaumo tomundo' nu Israel.

1 TAWARIKH 29:1

Lantas notataemo na i Tomundo' Daud hi mian iwi-iwi' anu sinihuk i kiijo', “Pa' aha sangkuka na to ana-anaku anu to momo'ane, i Salomo na anu pinile'anmo nu Tumpu Allah. Panyo ia daagi' anak ka' ma'isa ko anu nu pisumbu-sumbu', padahan kalajaaiyo talalo hondo daka'. Ka' mule' anu obau aijo' misa' laigan nu tomundo' bau kajojoongan nu manusia, panyo laigan anu obee' hi Tumpu Allah.

1 TAWARIKH 29:23

Sahingga salaku binau pombolosi i Daud tuumanyo, i Salomo i hangkatmo nonsuhangi kasuhangan nu tomundo' anu pinoto'imo nu Tumpu. Ia tomundo' anu saja' mingkaliangan na tanga'annyo ka' o'angga'i nu aha bansa Israel iwi-iwi'.

1 TAWARIKH 29:28

Ia kaya ka' talalo hondo o'adati ka' i langkai'mo hondo ia sinilakaje. I Salomo anaknyo momo'ane na i hangkat binau tomundo' nombolosakon ia.

2 TAWARIKH 9:8

O puji' na Tumpu, Tumpu Allah nu Belento Tuan. Nohangkatmo belento tomundo' tinimbali tomundo, da mompalentah kalana sanggo-Nyo, Ia nompotoamo hi belento tuan mosia na Ia sinanangmo hi belento Tuan. Kalana Ia mongkalibosi mian Israel ka' mongkahanda'i da aha sabole-bole ahi sa'angu' na bansa, sahingga Ia nohangkatmo belento Tuan binau tomundo nu aha, da belento Tuan sabole-bole ahi montoongi atulan ka' ka'adilan.”

PO'ULE' INGULIT 17:15

Otoa ahi' ima-ima' da mian anu o hangkat nu belemiu timbali tomundo nu belemiu mian ahi' nu pinile'anmo nu Tumpu Allah nu belemiu. Ia tionyo ahi' mian anu posi bansa miu; boli mohangkat mian anu lengkat mae i salipu'an na timbali tomundo nu belemiu.