1 TAWARIKH 28:21 - KITAB NU TUMPU ALLA LELE MA'IMAI'

²¹ Kalaja anu mongulus anu monsombah i Laigan nu Tumpu binagi-bagimo hi aha to ima-imam ka' hi aha mian nu Lewi. To mia-mian anu pande na mokalaja anu nu sumbu' totu-totu'u na mombau, toto samian sanang na kinyonyoanyo montulungi beleyum, ka' to pola-polaya' tiba mian da'isan montuluti palentah nu beleyum.”

1 TAWARIKH 28:21 ပူးပေါင်းရင်းမြစ်များ

1 TAWARIKH 26:26

I Selomit tiba to julu-julunyo monjagai ka' montoa iwi-iwi' apaa na anu nu bee' ka' nu sombahkon i Tomundo' Daud, ka' anu nu bee' nu to tu'a-tu'annyo nu auwan, ka' to pola-polaya' nu auwan, ka' to sulu-suludadu anu toto tangka-tangkas na pangkatnyo.

1 TAWARIKH 28:13

Ka' mule' binee'nyomo na tanga'an mombagi-bagi toto sanggombu na to ima-imam ka' mian nu Lewi, mongkona kalaja anu tionyo ahi' nu bau nu aha, aijo'mo kalaja anu nu bau nu aha i Laigan nu Tumpu ka' mongkalesang iwi-iwi' na pakakas anu opake monsombah Tumpu.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

NOSABATMO 31:3

ka' nombee'imo ia kuasang'Ku. Ia Ku potiju'je da monsumbu', pande ka' moko ala mombau iwi-iwi' na ngahan nu pakalaja'an;

NOSABATMO 35:25

To bou-boune anu pande mombau banang nomboamo banang lenan anu ma'ima' hondo tiba banang laken mobilu', mingkamumu' ka' momea' anu binaumo nu aha.

NOSABATMO 36:1

I Bezaleel, i Aholiab ka' iwi-iwi' na anu monsumbu' mombau apa-apaa, anu nohumpakmo kapandean lengkat mae hi Tumpu, nonsumbu'mo mosia na mombau Kemah nu Tumpu. Aha mombau iwi-iwi' aijo' tionyo ahi' susumo anu pinalentahkonmo nu Tumpu.”

NOSABATMO 36:2

I Musa nolagamo i Bezaleel, i Aholiab ka' iwi-iwi' na mian anu nohumpakmo kapandean lengkat mae hi Tumpu tiba anu sinanangmo na kinyonyoa montulungi, lantas nompokaumo aha da montampu'unimo mokalaja.

ROMA 13:1

Toto samian tionyo mohongo-hongo pamalentah, kalana madi' ko Pamalentah anu madi' mohumpak kuasa lengkat mae hi Tumpu. Ka' pamalentah anu uuka aiya, mompojalan kuasanyo kalana palentah anu lengkat mae hi Tumpu.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.