1 TAWARIKH 28:11 - KITAB NU TUMPU ALLA LELE MA'IMAI'

¹¹ Lapas aijo' binee'mo i Daud hi Salomo apa-apaa na anu tinanga'anmo obau, aijo'mo Laigan nu Tumpu, to guda-gudangnyo, iwi-iwi' na salipi'nyo, ka' Salipi'nyo anu Susi' hondo, tampat pongampunian dosa'.

1 TAWARIKH 28:11 ပူးပေါင်းရင်းမြစ်များ

1 TOMU-TOMUNDO' 6:3

Sasu ahopnyo nu laigan nu Tumpu aijo', i lambingan ko mantannyo 4,5 meten ka' ko bolanyo 9 meten sumo ko bolanyo nu laigan aijo'.

1 TAWARIKH 28:12

I Daud mule' nombee'i iwi-iwi' na tanga'an anu pinile'annyomo anu bau popasannyo ka' mule' salipi'nyo titikup, ka' mule' to guda-gudang pompo'una'an talakanan anu opake i Laigan nu Tumpu aijo' ka' mule' to guda-gudang pompo'una'an apa-apaa na anu nu bee' nu mian hi Tumpu.

1 TAWARIKH 28:19

Lantas pinoto'imo i tomundo' Daud, “Iwi-iwi' aijo' i unomo nu tanga'an anu tinulismo susumo anu pinoto'imo nu Tumpu na sonto'nyo hi belengku da obau.”

2 TAWARIKH 5:7

Lapas aijo' to ima-imam nomposoopmo Peti' Palajanjian aijo' i uno nu Laigan nu Tumpu ka' pinokokonyomo i patu nu patong malaikat i uno nu Salipi' anu talalo hondo Susi'.

NEHEMIA 13:5

I Elyasib nombee'mo hi Tobia sa'angu' na salipi' anu daka' anu sabenannyo oposadia samata-mata pongisian gandum anu sinombahkonmo hi Tumpu, ka' mule' kamangian, pakakas anu opake i Laigan nu Tumpu, ka' mule' palasombahan mo da obee' hi to ima-imam, anu ingalana sambahagian na gandum, anggur, ka' i sampulu' na lanya' nu zaitun bahagian ka' obee' hi to mia-mian nu Lewi, to mia-mian anu mompahaikakon musik ka' anu monjagai Sabatan Daka' Laigan nu Tumpu.

NOSABATMO 25:40

Obala'ingati da tengke nu sulu' aijo' obau susumo sonto' anu pinotiju'-Kumo hi beleyum aita' i bawo nu bungkutnyo aiya.”

NOSABATMO 25:9

Kemah ka' posadiaonnyo tionyo ahi' nubau nu aha, susumo anu pinoto'imo ka' Ku potiju'je hi beleyum.”

NOSABATMO 26:30

Potinjo na Kemah aijo' mombatuki sumo anu pinotiju'Kumo aita' i bungkutnyo aiya.

YEREMIA 35:2

“Lako' mamba hi aha mian sa'anakan mae i Rekhab ka' basisik tiba aha. Boa na aha isala'sa'angu' na salipi' kiijo' i uno nu Laigan-Ku, ka' po inumi anggur na aha.”

YEHEZKIEL 40:15

Olotnyo lengkat mae i sabatan daka' sasu sambiha'nyo toka-toka i mesen nu dasanyo daka-daka' aijo' i bahagian anu mongahopi Laigan nu Tumpu 25 na meten.

LUKAS 21:1

I Laigan nu Tumpu, i Yesus nontoa to mia-mian kaya nompo'isi doi i uno nu tampat ponsombahkonan.

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”