1 TAWARIKH 27:25 - KITAB NU TUMPU ALLA LELE MA'IMAI'

^25-31 Aiya na daputan nu to mia-mian anu mongulus halata' i tomundo': To guda-gudang anu i laigan nu tomundo' ka' anu i Yerusalem: I Azmawet anak i Adiel To guda-gudang anu misa' i Yerusalem i Yonatan anak i Uzia To mia-mian anu mokalaja ale': i Ezri anak i Kelub. Iwi-iwi' na ale' nu anggur: i Simei mian nu kota' Rama Iwi-iwi' na tampat pompo'una'an anggur: i Zabdi mian nu kota' Syifmi Kau' zaitun ka' kau' Ara (i tengkenyo nu bungkutnyo sasu kinsoban): i Baal-Hanan mian nu kota' Gederi Iwi-iwi' na tampat pompo'una'an lanya' nu zaitun: i Yoas. Potuu'on anu pinotuu' i Padang Saron: i Sitria mian nu kota' Saron Unta: i Obil lee' mae i Ismael Keledai: i Yehdaya mian nu kota' Meronot Domba ka' mee': i Yazis, mian nu Hagri.

1 TAWARIKH 27:25 ပူးပေါင်းရင်းမြစ်များ

KAJADIAN 41:48

Gandum haha aijo' i limu' i Yusuf lantas pino una'nyomo i to kota-kota. Batu-batu kota pinaha po'una'annyomo gandum hasin nu to ale-ale' anu ohani' i kota aijo'.

2 TOMU-TOMUNDO' 18:15

Kalana aitu salaka iwi-iwi' anu i uno nu Laigan nu Tumpu ka' anu i uno nu kas anu kiijo' i laigan nu tomundo' pinakatumo i Hizkia hi Sanherib.

1 TAWARIKH 27:24

I Yoab anak i Zeruya nontampu'unimo nombilang, panyo madi' pinomingkotnyo, kalana Tumpu Allah nohukumo mian nu Israel sinaduakon nu nombilang aijo'. Kalana aijo' konjoo'nyo nu aha madi' tinulis i uno nu kitab i Tomundo' Daud.

1 TAWARIKH 28:1

I Tomundo' Daud nompalentahmo da iwi-iwi' na to pola-polaya' nu aha Israel sihuk i Yerusalem. Jadi to kapa-kapala nu toto sa'angu' mae na tulunan nu bansa anu montoongi pangkat kapalentahan, to kapa-kapala nu aha sa'anakan mae, to mia-mian anu montoa ka' mompalesa halata' ka' potuu'on i tomundo' ka' montoa to ana-anaknyo anu toto momo'ane – osaingkodo-kodo'imo to mia-mian daka' anu ko pangkatnyo i laigan nu tomundo', to sulu-suludadu anu toto tangka-tangkas na pangkatnyo, ka' to mia-mian anu o'angga'i, iwi-iwi' sinihukmo i Yerusalem.

1 TAWARIKH 29:6

Sahingga to tu'a-tu'anyo nu aha mae sa'anakan, to tu'a-tu'anyo nu tulunan mae nu bansa, to sulu-suludadu anu matangkas na pangkatnyo, ka' anu montoa ka' monjagai halata' i tomundo' nompoto'imo tukoonyo nu aha aha suele mombee'i.

2 TAWARIKH 16:2

Jadi i Tomundo Asa nongalamo mosoni' ka' salaka anu kiijo' pino una' i Laigan nu Tumpu ka' i laigan nu tomundo, lantas pinakatunyomo binoa i Damsyik hi Benhadad tomundo nu Siria ka' pinotunnyomo sumo uuka,

2 TAWARIKH 26:10

Ia mule' nompotinjomo laigan toto tangka-tangkas anu binentengan i da'erah padang, ka' nongkekemo manjoo' hondo na bubung kalana manjoo' na potuu'onnyo mau anu aita' mae i bungkutnyo kabai i hatanyo sasu kinsoban. Kalana ia nompalahatikan hondo anu mombau ale' sahingga ia nompokalajamo mian manjoo' hondo anu mombau ale' nu anggur i da'erah bungkutnyo, ka' mombau ale' i da'erah anu toto ma'o-ma'omuk.

NOSABATMO 1:11

Sahingga to mia-mian nu Mesir nohangkatmo anu mompalentah bansa Israel da molio jalan monsusa'i kantumuu'an nu aha, obee'i kalaja ka' opakisa mokalaja totu-totu'u. Aha pinakisamo nu tomundo Mesir da mombau to kota-kota Pitom ka' Raamses da bau puso nu ponguna'an balang.