1 TAWARIKH 26:20 - KITAB NU TUMPU ALLA LELE MA'IMAI'

²⁰ To mia-mian sangga'at kona hi tulunan nu bansa Lewi binee'an kalaja montoa pakakas anu opake i Laigan nu Tumpu, ka' anu pino'una' i gudang, apa-apaa na anu binee' nu mian hi Tumpu Allah.

1 TAWARIKH 26:20 ပူးပေါင်းရင်းမြစ်များ

1 TOMU-TOMUNDO' 14:26

Iwi-iwi' na pakakas anu mahan na olinyo i uno nu Laigan nu Tumpu tiba i laigan nu tomundo' ka' mule' to kanta-kanta anu mosoni' na pinoki bau i Salomo pinahuhuakonnyomo.

1 TOMU-TOMUNDO' 15:18

Kalana aijo' i Tomundo' Asa nongalamo iwi-iwi' na mosoni' ka' salaka anu daagi' kiijo' i Laigan nu Tumpu ka' i laigan nu tomundo' lantas pinakatuanyomo i Damsyik hi Benhadad tomundo' nu aha Siria anak i Tabrimon, makumpu i Hezion. Balang haha aijo' pinakatu binoa nu aha mian pa' aha sangkuka na anu ko pangkatnyo i laigan nu tomundo', ka' pinotuunnyo sumo uuka:

1 TOMU-TOMUNDO' 7:51

Salatan i Tomundo' Salomo noko potimbalimo Laigan nu Tumpu, pinaha po'una'nyomo i uno nu gudang nu Laigan aijo', iwi-iwi' na salaka', mosoni' ka' to paka-pakakas sangga'at apaa na anu sinombahkonmo i Daud tuumanyo, hi Tumpu.

1 TAWARIKH 18:11

Iwi-iwi' na palasen aijo' sinombahkon i Daud hi Tumpu da ogunakon de monsombahmo Tumpu. Susumo aitu suele na ia nombau pakakas mosoni' ka' salaka anu pinahuhuakonnyo mae hi Hadadezer ka' to bansa-bansa anu pinatundu'nyomo, aijo'mo bansa Edom, Moab, Amon, Filistin ka' Amalekh.

1 TAWARIKH 26:19

Sumo aitu na nongatun anu monjagai kona hi aha sa'anakan mae i Korah ka' hi aha sa'anakan mae i Merari.

1 TAWARIKH 26:21

I Ladan anak mo'ane i Gerson; ia nombee' mae tino pia-piangkuka na tompukan nu mian sa'anakan, tibamo i kiijo' na aha sa'anakan mae i Yehiel anaknyo.

1 TAWARIKH 26:22

To ana-anak i Yehiel, aijo'mo i Zetam tiba i Yo'el, binee'an kalaja montoa gudang iwi-iwi', ka' montoongi doi anu kiijo' i Laigan nu Tumpu.

1 TAWARIKH 26:24

I Sebuel aha sa'anakan mae i Gersom, anak i Musa monjagai pakakas anu pino'una' i Laigan nu Tumpu.

2 TAWARIKH 8:15

Iwi-iwi' na anu pinoto'imo i Daud hi to ima-imam ka' hi mian nu aha Lewi mongkona iwi-iwi' na gudang ka' sansangga'atannyo tinulutannyomo ima-ima'.

EZRA 2:69

Aha nombee'mo bau pombantu i yayamo pa'sangkuka na anu pinoko ala nu aha toto samian sahingga anu i humpak 500 na kg, mosoni', 2.800 na kg, salaka, ka' 100 na baju' jubah anu bau baju' nu to ima-imam.

EZRA 8:28

Pinoto'ingkumo hi to ima-imam haha aijo', “Belemiu pinile'anmo da samata-mata mokalaja hi Tumpu Allah, Tumpu Allah anu osombah nu mompolee'to, sumo aitumo mule' na pakakas iwi-iwi' salaka tiba mosoni', anu binee'mo hi Tumpu samata-mata opake bau kapalaluan nu Tumpu.

NEHEMIA 12:44

Tempo'nyo aitu daagi' ko to pia-piangkuka na mian binee'anmo kalaja monjagai iwi-iwi' na salipi' anu pongisian apa-apaa na anu obee'mo nu mian bau kapalaluan i Laigan nu Tumpu, tibamo anu osombahkon hi Tumpu anu inga-ingala na sambagian i sampulu' na bahagaian na isi nu ale' anu momona ingala i taun aijo'. Aha anu binee'an kalaja monjagai aijo' tionyo molimu' anu nubee' nu mian aijo', lengkat i iwi-iwi' na ale' anu madi' majo'on i to kota-kota'. Anu nubee' mae nu mian haha aijo' obee' hi to ima-imam ka' hi to mia-mian nu Lewi, susumo anu ingatunmo i Atulan nu Tumpu. To mia-mian nu Yehuda mongadati hondo to ima-imam ka' to mia-mian nu Lewi haha aijo',

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

NOMBILANGMO 8:26

Lapas aijo' ia daagi' timbali montulungi aha mian nu Lewi sangga'at anu daagi' ko pakalaja'an i Kemah-Ku, panyo ia madi'mo daagi' obee'i pakalaja'an anu tataap. Sumo aijo' na jalannyo mongatun pakalaja'an hi aha mian nu Lewi.”