1 TAWARIKH 26:17 - KITAB NU TUMPU ALLA LELE MA'IMAI'

¹⁷ Sansina-sinaa i sasu kabete'an aha 6 na ponjaga, i sasu utara aha 4 ka' i sasu selatan aha 4. To guda-gudang anu pongisian posadiaon suele aha 4 na monjagai; toto sa'angu' na gudang ua'aha na monjagai.

1 TAWARIKH 26:17 ပူးပေါင်းရင်းမြစ်များ

1 TAWARIKH 26:16

I Supim tiba i Hosa nongkona sabatan daka' sasu kinsoban ka' sabatan daka' Syalekhet anu i jalan pindakoan. Kalaja monjagai ingatunmo sumo aijo' na ko'ima'nyo sahingga saja' ko anu monjagai sabatan daka'.

1 TAWARIKH 26:18

I Pavilyun sasu kinsoban aha 4 na monjagai i jalan daka' ka' samata-mata i Pavilyun aijo' aha 2 na monjagai.

1 TAWARIKH 9:24

Opat na sabatan: sa'angu' sasu utara, sa'angu' sasu Selatan, sa'angu' sasu kabete'an ka' sa'angu' sasu kinsoban. Toto sa'angu' na sabatan haha aijo' samian na aha mian nu Lewi anu mongkapalai aha anu monjagai aijo'.

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

NEHEMIA 12:25

To mia-mian anu monjagai sabatan daka' Laigan nu Tumpu anu binee'an kalaja monjagai salipi' pompo'una'an posadiaon mantu anu o kaan koko sabatan daka' Laigan nu Tumpu aijo'mo: i Matanya, i Bakbukya, i Obaja, i Mesulam, i Talmon ka' i Akub.