1 TAWARIKH 26:12 - KITAB NU TUMPU ALLA LELE MA'IMAI'

¹² To mia-mian anu monjagai Laigan nu Tumpu binagi-bagi motumpu-tompuk ingala hi sa'anakan mae nu aha. Aha mule' suele binee'an kalaja i Laigan nu Tumpu susumo mian nu Lewi sangga'at.

1 TAWARIKH 26:12 ပူးပေါင်းရင်းမြစ်များ

2 TOMU-TOMUNDO' 7:10

Kalana aijo' aha ninsusule'mo namba i Samaria ka' nompoto'i hi mian anu monjagai sabatan daka' nu kota'; “Kami nambamo i kemah nu aha mian Siria, ka' tinokan mami madi'mo ko miannyo i kiijo' mae. Ajahan ka' keledai nu aha tinokan mami dagi' sego-segot, i tampatnyo, ka' kemah nu aha iwi-iwi' pinojohokmo nu aha ka' pinala'ianmo nu aha.”

1 TAWARIKH 25:8

Anu montantukan pa'ihemo na mohumpak bahagian, aha iwi-iwi' montoluk onde – mau anu olitau mau anu tu'anyomo mau anu monsumbu'mo hondo mau anu sala'je montampu'uni balagulu'.

1 TAWARIKH 26:11

I Hilkia, i Tebalya, tiba i Zakharia. Iwi-iwi' aha 13 na mian anu ingala hi auwan i Hosa na anu tinimbali ponjaga Laigan nu Tumpu.

1 TAWARIKH 26:13

Batu-batu aha sa'anakan mae mau aha sa'anakan mae anu manjoo' na miannyo maumo anu ola sangkiding na miannyo, otolukakon onde da osumbu' pa' i sabatan daka' iya mae na ponjagaan nu aha.

1 TAWARIKH 9:23

Salatanmo pe'e aitu aha tiba lee' nu aha sabole-bolemo tinimbali penjaga sabatan daka' Laigan nu Tumpu.

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

2 TAWARIKH 35:15

To mia-mian anu pande na mahaik musik aha sa'anakan mae i Asaf anu minsoop tulunan mae nu bansa Lewi, jojoong i tampat anu tinantukanmo i Tomundo Daud hi aha. Aiya na sanggo nu aha: i Asaf, i Heman tiba i Yedutun ka' samian na nabi anu mokalaja hi tomundo. To mia-mian anu monjaga iwi-iwi' sabatan daka' madi' timbali mompala'i ponjaga'an nu aha, kalana aha timbali molame'akon Paskah i tampat ponjaga'an nu aha nu boaije nu aha mian nu Lewi sangga'at nabagi nu aha.