1 TAWARIKH 25:8 - KITAB NU TUMPU ALLA LELE MA'IMAI'

⁸ Anu montantukan pa'ihemo na mohumpak bahagian, aha iwi-iwi' montoluk onde – mau anu olitau mau anu tu'anyomo mau anu monsumbu'mo hondo mau anu sala'je montampu'uni balagulu'.

1 TAWARIKH 25:8 ပူးပေါင်းရင်းမြစ်များ

1 TAWARIKH 15:22

I Kenanya pinile'anmo da mongkapalai anu mahaik musik aha mae tulunan nu bansa Lewi haha aijo', kalana ia pande hondo mahaik musik.

1 TAWARIKH 24:31

De ahamo na mongala bahagian mokalaja, toto samian na tu'anyo nu sa'angu' na auwan tibaa samian na utusnyo ise' mo'ane montoluk onde susumo anu binaumo nu to julu-julu mae nu aha sangga'at aijo'mo to ima-imam lee' mae i Harun. Montoluk onde aijo' nusakisi i Tomundo' Daud tiba i Zadok, i Ahimelekh ka' to tu'a-tu'anyo nu to sa'angu' na auwan hi aha tompukan mae nu to imi-imam ka' hi aha tompukan mae nu aha Lewi.

1 TAWARIKH 24:5

Kalana maumo lee' mae i Eleazar kabai lee' mae i Itamar daagi' ko anu ko pangkatnyo mokalaja i Laigan nu Tumpu ka' to pola-polaya' nu agama sahingga nombagi apaa na anu okalaja binuangakon onde.

1 TAWARIKH 25:2

Aha opat na anak mo'ane i Asaf: i Zakur, i Yusuf, i Netanya tiba i Asarela. Polaya' nu aha i Asaf, anu mompotoka potuunon nu Tumpu Allah, de nupokaumo i Tomundo'.

1 TAWARIKH 25:9

Aha 228 na mia haha aijo' binagi 24 na tompukannyo binatukakonmo hi auwan nu aha toto sa'angu'. Toto sa'angu' na tompukannyo aha 12 na mian, anu mongkapalai samian. Aiya na sanggo nu aha anu tinolukakonmo onde: 1. i Yusuf lengkat mae hi aha auwan i Asaf 13. i Subael 2. i Gedalya 14. i Matica 3. i Zakur 15. i Yeremot 4. i Yizri 16. i Hananya 5. i Netanya 17. i Yosbekasa 6. i Bukia 18. i Hanani 7. i Yesarela 19. i Maloti 8. i Yesaya 20. i Eliata 9. i Matanya 21. i Hotir 10. i Simei 22. i Gedalti 11. i Azareel 23. i Mahaziot 12. i Hasabya 24. i Romamti-Ezer.

1 TAWARIKH 26:13

Batu-batu aha sa'anakan mae mau aha sa'anakan mae anu manjoo' na miannyo maumo anu ola sangkiding na miannyo, otolukakon onde da osumbu' pa' i sabatan daka' iya mae na ponjagaan nu aha.

1 TAWARIKH 26:16

I Supim tiba i Hosa nongkona sabatan daka' sasu kinsoban ka' sabatan daka' Syalekhet anu i jalan pindakoan. Kalaja monjagai ingatunmo sumo aijo' na ko'ima'nyo sahingga saja' ko anu monjagai sabatan daka'.

2 TAWARIKH 23:13

Ia nontoamo tomundo anu sala'je i hangkat aijo' tinjo-tinjo i sabatan pinsoopan mokiijo' i Laigan nu Tumpu i tampat pinondudu'ian lanya', hau-haunyo tinikubanmo nu suludadu anu toto tangka-tangkas na pangkatnyo ka' mian mompuhi tolompet. Iwi-iwi' na mian da'isan nontaligalaimo ka' i lame'mo, hau-haunyo mule' aijo' tolompet pinuhanmo ka' to mia-mian anu mompahaikakon musik i Laigan nu Tumpu nompolame'mo lamean aijo', aha nompo'onyi'mo iwi-iwi' na pakakas musik nu aha. I Atalya nabuhukmo sahingga binea-beaknyomo na baju'nyo ka' noloboo' akonmo, “Kahipun! Kahipun!”

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

AMSAL 16:33

Da osumbu' na nasip nu manusia, mombuang onde; panyo anu montantukan hasinnyo ola ahi' samata-mata Tumpu.

IMAMAT 16:8

Ikiijo' ia tionyo ahi' mompile'i opakeakon onde aijo'mo mompake batu ohua', sa'angu' otandai “bagi nu Tumpu”, ka' sangga'at mule' “bagi nu Azazel”.

SISIKON NU TO RASUL-RASUL 1:26

Lapas aijo' ohua' na sanggo aijo' ingonde, lantas ondean nanabu' hi Matias. Jadi ia i hangkat tinimbali rasul da mosangalu tiba sampulu' ka' sa'angu' na rasul sangga'atannyo.