1 TAWARIKH 25:2 - KITAB NU TUMPU ALLA LELE MA'IMAI'

² Aha opat na anak mo'ane i Asaf: i Zakur, i Yusuf, i Netanya tiba i Asarela. Polaya' nu aha i Asaf, anu mompotoka potuunon nu Tumpu Allah, de nupokaumo i Tomundo'.

1 TAWARIKH 25:2 ပူးပေါင်းရင်းမြစ်များ

1 TAWARIKH 15:17

Aha auwan-auwan anu lewa' manyanyi pinile'anmo nu aha na to mia-mian haha aiya anu mompahaikakon simbal tambaga: i Heman anak i Yo'el tibamo to utu-utusnyo, sanggo nu aha i Asaf anak i Berekya tiba i Etan anak i Kusaya aha mae sa'anakan i Merari. Anu monyanyiakon aha mongkuti' kasapi ka' manyo'a hondo na monyanyiakon, pinile'anmo na to mia-mian nu Lewi, haha aiya: i Zakharia, i Yaaziel, i Semiramot, i Yehiel, i Uni, i Eliab, i Maaseya tiba i Benaya. Anu mongkuti' kasapi onyi'nyo madi' manyo'a pinile'anmo na to mia-mian nu Lewi haha aiya: i Matica, i Elifele, i Mikneye, i Azazya, tiba ua'aha ana anu monjagai Laigan nu Tumpu, aijo'mo i Obed-Edom tiba i Yeiel.

1 TAWARIKH 16:5

I Asaf pinile'anmo salaku kapalanyo ka' i Zakharia na wakinnyo. I Yeiel, i Semiramot, i Yehiel, i Matica, i Eliab, i Benaya, i Obed-Edom tiba i Yeiel, kalajanyo nu aha mongkuti' kasapi, i Asaf kalajanyo mompopahaik simbal,

1 TAWARIKH 25:1

Anu mongatun de monsombahmo Tumpu, i Tomundo' Daud ka' to pola-polaya' nu aha mian nu Lewi nompile'imo sa'anakan mae i Lewi aijo'mo: i Asaf, i Heman, tiba i Yedutun. Aha binee'an kalaja mompotoka potuunon nu Tumpu Allah ka' okuti'akon kasapi', gambus ka' simbal. Anu molaya' aha de monsombahmo Tumpu ka' mosia na atulannyo toto sangahan pinile'anmo ka' tinompu-tompukmo na mian sumo uuka:

1 TAWARIKH 25:3

Aha anom na anak mo'ane i Yedutun: i Gedalya, i Zeri, i Yesaya i Simei, i Hasabya tiba i Matica. Polaya' nu aha aijo'mo tuuma nu aha, aha mompotoka potuunon nu Tumpu okuti'akon kasapi ka' onyanyiakon nu aha nu nyanyian pompuji' Tumpu ka' pontalima kase hi Tumpu.

1 TAWARIKH 25:6

Iwi-iwi' na anak i Heman haha aijo' mompahaikakon musik simbal kasapi' ka' gambus anu molaya' aijo'mo tuuma nu aha ka' aijo' opahaikakon de monsombahmo Tumpu i Laigan nu Tumpu. I Asaf, i Yedutun tiba i Heman binee'an kalaja susumo anu pinoto'imo i tomundo'.

1 TAWARIKH 25:8

Anu montantukan pa'ihemo na mohumpak bahagian, aha iwi-iwi' montoluk onde – mau anu olitau mau anu tu'anyomo mau anu monsumbu'mo hondo mau anu sala'je montampu'uni balagulu'.

1 TAWARIKH 6:39

I Asaf kapala u anu manyanyi gombuannyo nu anu ko ohua'nyo. Tatu-tatusannyo nu tundulan nu aha, o tundun sule-sule' sampe tinoka hi Lewi aijo'mo: i Asaf, i Berekya, i Simea,

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

MAZMUR 73:1

Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

MAZMUR 75:1

Anu mongkapalai panyanyi. Ingala i lagu nu nyanyian: Boli mompatei. Mazmur i Asaf. Nyanyian.

MAZMUR 76:1

Anu mongkapalai panyanyi. Kinuti'akon kasapi. Mazmur i Asaf. Nyanyian.

MAZMUR 77:1

Anu mongkapalai panyanyi. Ingala i lagu nu nyanyian: i Yedutun. Mazmur i Asaf.

MAZMUR 78:1

Nyanyian pangajalan i Asaf. Potombihing mae na pangajalanku, o, to bansa-bansangku, palahatikan mae na potataengku.

MAZMUR 79:1

Mazmur i Asaf. O Tumpu Allah, bansa anu madi' monsumbu'i Belento nonjojoongimo tano' pusaka' nu Belento. Aha nongkotonimo Laigan nu Belento, Yerusalem binaumo tambulan nu anu singkapmo na'idek.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 81:1

Anu mongkapalai panyanyi. Ingala i lagu nu nyanyian: Gitit. Lengkat hi Asaf.

MAZMUR 82:1

Mazmur i Asaf. Tumpu nompimpinmo sidang nu aha Tumpu kiita' i suluga, lantas Ia nompoto'imo kaputusan-Nyo:

MAZMUR 83:1

Sa'angu' na nyanyian. Mazmur i Asaf.

YESAYA 3:6

Tempo'nyo aijo' mian montiju'mo sala' samian na utusnyo ka' motatae hi ia, “Ola beleyum na ko baju' anu pantas opake; kalana aitu timbalimo bau polaya' mami itempo' anu sinusa'mo sumo aiya.”