1 TAWARIKH 24:1 - KITAB NU TUMPU ALLA LELE MA'IMAI'

^1-3 I Harun kino anak mo'ane aha opat; i Nadab, i Abihu, i Eleazar, tiba i Itamar. I Nadab tiba i Abihu sinilakamo momona nompala'imo tuuma nu aha, ka' mule' madi' kino anak. Kalana aitu i Eleazar tiba i Itamar to utu-utus nu aha i hangkatmo binau Imam. I Daud nombagimo lee' mae i Harun tinompu-tompuknyomo na mian ka' pinosi bee'anmo kalaja apaa na, hi santompuk obau. Nombagi tompukan haha aijo' i Daud tinulungan i Zadok lee' mae i Eleazar ka' i Ahimelekh lee' mae i Itamar.

1 TAWARIKH 24:1 ပူးပေါင်းရင်းမြစ်များ

1 TAWARIKH 23:6

I Daud nombagi mian nu Lewi haha aijo' totolu' na gombuannyo, ingala hi aha sa'anakan mae aijo'mo: sa'anakan mae i Gerson, i Kehat tiba i Merari.

1 TAWARIKH 28:13

Ka' mule' binee'nyomo na tanga'an mombagi-bagi toto sanggombu na to ima-imam ka' mian nu Lewi, mongkona kalaja anu tionyo ahi' nu bau nu aha, aijo'mo kalaja anu nu bau nu aha i Laigan nu Tumpu ka' mongkalesang iwi-iwi' na pakakas anu opake monsombah Tumpu.

1 TAWARIKH 6:3

I Amran kino anak mo'ane ua'aha; aijo'mo: i Harun, tiba i Musa, ka' boune samian aijo'mo i Miryam. I Harun kino anak mo'ane aha opat: i Nadab, i Abihu, i Eleazar tiba Itamar.

1 TAWARIKH 6:34

i Elkana, i Yeroham, i Eliel, i Toah,

2 TAWARIKH 23:8

Palentah i Yoyada aijo' tinulutanmo nu to mian-mian Lewi ka' aha mian da'isan Yehuda. To mia-mian anu madi'mo mokalaja i sinaa nu Sabat ma'isa timbali minsusule'. Jadi to sulu-suludadu anu toto tangka-tangkas na pangkatnyo nompoto'imo, tukoonyo nuaha to mia-mian anu madi'mo mokalaja kabai anu tokaje mae mokalaja, sihuuk pe'e mae.

2 TAWARIKH 31:2

I Tomundo Hizkia po'ule'mo nohangkat gombuan nu to ima-imam ka' mian nu Lewi ka' pinosi bebee'an kalaja na aha. Anu nu kalaja nu aha aijo'mo: monsombahkon koloban anu opotunu, ka' koloban anu bau pompodame, mongatun anu monsombah i Laigan nu Tumpu, ka' mompuji' ka' mule' montalima kase hi Tumpu iyaya mae na tampat anu kiijo' i Laigan nu Tumpu.

2 TAWARIKH 5:11

Iwi-iwi' na imam anu daagi' i kiijo' lengkat iyaya mae na tampat nosadiamo da mongala bahagian apaa na anu obau sinaa aitu. Iwi-iwi' na anu lewa' manyanyi ka' mahaik musik, aha mae tulunan nu bansa Lewi, aijo'mo i Asaf, i Heman, i Yedutun ka' iwi-iwi' na aha anu sa'anakan mae nompusokmo baju' hude lenan. Mian nu Lewi haha aijo' tinuminjo sasu kabete'an mezbah ka' nontoongi simbal ka' kasapi. Ka' sangalu mule' nu aha 120 na to ima-imam anu mompuuhi tolompet. Nyanyian nu aha to panya-panyanyi pinohinggat-hinggatakonmo tiba musik tolompet, simbal ka' musik sangga'at. Sumo uuka na onyi'nyo nu nyanyian nu aha mompuji' Tumpu: “O puji' na Tumpu, kalana Ia manonong. Kalibosannyo sampe toka sidu-sidutu'.” Salatan to ima-imam nosabatmo lengkat mae i Laigan nu Tumpu aijo', monti-montiik Laigan aijo' kahomo jingka tandanyo tinokamo na Tumpu, sahingga aha madi'mo noko ala nolausakon apaa na anu binaumo nu aha, aijo'mo monsombah Tumpu.

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

EZRA 6:18

Lapas aijo' ingatunmo nu aha mogombu-gombu na anu mokalaja mobobolosan i Laigan nu Tumpu, ka' binagi-bagimo hi to ima-imam ka' hi to mia-mian nu Lewi susumo koonyo n atulan anu tuli-tulis i kitab i Musa, panyo aha nombagi aijo' tinoa ahi' na aha anu pantas montoongi kalaja aijo'.

EZRA 7:5

i Abisua i Pinehas i Eleazar i Imam Daka' Harun.

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOSABATMO 6:23

I Korah kino anak aha totolu' na mo'ane: I Asir, i Elkana ka' i Abiasaf. Aha aijo'mo na mompolee' mae nu aha sa'anakan i Korah.

NOMBILANGMO 26:60

I Harun kino anak mo'ane aha opat i Nadab, i Abihu, i Eleazar ka' i Itamar.

NOMBILANGMO 3:2

I Harun ko anak aha opat na mo'ane: i Nadab na tumpe, lapas aijo' i Abihu, i Eleazar ka' i Itamar.

NOMBILANGMO 3:4

Panyo i Nadab ka' i Abihu sinilakamo i padang bola Sinai, tempo'nyo aha nangadap hi Tumpu nompapui kamangian anu madi' tinalima nu Tumpu. Ua-ua'aha madi' kino anak. Jadi tempo'nyo i Harun daagi' tutuu', i Eleazar ka' i Itamar suele mokalaja salaku imam.