1 TAWARIKH 23:4 - KITAB NU TUMPU ALLA LELE MA'IMAI'

⁴ Lantas aha 24.000 na mian anu aijo' hi aha, binee'anmo kalaja, aijo'mo mongulus kalaja i Laigan nu Tumpu, 600 na mian mongulus anu palalu otulis ka' mongulus palakala,

1 TAWARIKH 23:4 ပူးပေါင်းရင်းမြစ်များ

1 TAWARIKH 6:48

Kalaja sangga'at i laigan ponsomban Tumpu binee'mo hi sangalu nu aha mian nu Lewi suele.

2 TAWARIKH 19:8

Ka' suele i Yerusalem, i Yosafat nohangkatmo to mia-mian kopian ingalanyo mae hi aha to mia-mian nu Lewi, to ima-imam ka' hi to mia-mian da'isan anu talasanggo. Ahamo na momputusi to pala-palakala anu madi montuluti Atulan nu Tumpu ka' palakala sangga'at.

2 TAWARIKH 23:18

Lantas i Yoyada nombee'imo kalaja to ima-imam ka' mian nu Lewi da mongulus kalaja i Laigan nu Tumpu susumo anu binagimo ka' tinantukanmo na kalaja daagi' pe'e tempo'nyo i Tomundo Daud. Aha tionyo ahi' monsombahkon koloban anu opotunu hi Tumpu – pokakana sumo to atu-atulan i Musa – ka' olame'akon ka' onyanyiakon pokakana sumo anu ingatunmo i Daud.

2 TAWARIKH 34:13

binee'anmo kalaja monjagai anu mohangkat ka' mongato to bala-balang, mongkapalai anu mokalaja i ngangahan nu kalaja, timbali julutulis ka' monjagai sabatan.

NEHEMIA 11:22

To mia-mian nu aha Lewi anu montoa mian anu mokalaja, anu jojoong i Yerusalem aijo'mo: i Uzi anak i Bani ka' makumpu i Hasabya. Sala'samian na mompolee'nyo mae sangga'at aijo'mo: i Matanya tiba i Mikha. Ia minsoop aha sa'anakan mae i Asaf anu mokalaja mongulus to panya-panyanyi i Laigan nu Tumpu.

NEHEMIA 11:9

i Yo'el anak i Zikhri ka' wakinnyo i Yehuda anak i Hase nu a.

YEHEZKIEL 44:24

De daagi' ko palakala mompahasala'mo i atulan, tionyo ahi' nu ulus nu aha susumo koonyo nu atulan-Ku ka' mule' mongadati ahi' sinaa nu Sabat salaku sinaa anu samata-mata baumo ponsomban Aku.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

PO'ULE' INGULIT 16:18

“I toto sa'angu' na kota anu binee'mo nu Tumpu Allah nu belemiu hi belemiu, tionyo ahi' mohangkat to mia-mian kopian ka' to pangka-pangkat sangga'at da adin na momputusi palakala nu layat.