1 TAWARIKH 23:26 - KITAB NU TUMPU ALLA LELE MA'IMAI'

²⁶ Kalana aitu, Kemah nu Tumpu ka' iwi-iwi' na pakakas anu opake de monsombahmo Tumpu madi'mo palalu lewa' nu simbu nu mian Lewi.”

1 TAWARIKH 23:26 ပူးပေါင်းရင်းမြစ်များ

1 TAWARIKH 23:27

Jadi kalana palentah i Daud anu pupusnyomo na tinaloakonnyo, sahingga iwi-iwi' na mian Lewi, de umunmo 20 mo na tuna o tulismo i daputan ka' obee'imo kalaja.

2 TAWARIKH 35:3

To mia-mian nu Lewi anu binee'anmo kalaja samata-mata mombau anu nu palentahkon nu Tumpu, ka' anu tinimbalimo to gulu-gulu' nu aha Israel nohumpak palentah sumo uuka hi Yosia, “Po'una' na Peti' palajanjian nu Tumpu anu susi' aijo' i Laigan nu Tumpu anu binaumo i Tomundo Salomo anak i Daud anu momo'ane. Madi'mo daagi' timbali lewa' olali-lalin nu belemiu. Obau apaa na anu nu palentahkon nu Tumpu Allah nu belemiu ka' bansa Israel mian anu pinalesayamo hi Ia.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

NOMBILANGMO 4:49

Palentah nu Tumpu anu pinotokamo i Musa, da toto samian odaputanakonmo ka' obee'imo pakalaja'an toto samian apaa na anu tionyo ahi' nubau nu aha kabai apaa na anu tionyo nusimbu nu aha.

NOMBILANGMO 4:5

Tumpu nombee'mo atulan haha aiya hi Musa: De tokamo i tempo'nyo montatakimo Kemah, i Harun ka' to ana-anaknyo tionyo ahi' minsoop i Kemah nu Tumpu mongalini lalanse' i ahop nu Peti' Palajanjian ka' mongkukubi Peti' aijo' nu hude aijo'.

NOMBILANGMO 7:9

Panyo aha mian nu Kehat madi' nohumpak kaleta kabai sapi' hi Musa, kalana to bala-balang anu susi', ahamo na binee'an pakalaja'an, ka' tionyo ahi' nu lemban nu aha.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.