1 TAWARIKH 23:24 - KITAB NU TUMPU ALLA LELE MA'IMAI'

²⁴ Aijo'mo na sanggo nu lee' mae iwi-iwi' i Lewi anu tinulismo, ingala i sanggo nu kapala nu aha mae sa'anakan ka' auwan nu aha toto samian. Umun nu aha uampulu'mo na taun mokiita' ka' binee'anmo kalaja i Laigan nu Tumpu.

1 TAWARIKH 23:24 ပူးပေါင်းရင်းမြစ်များ

1 TAWARIKH 23:23

I Musi, anak i Merari anu ko ohua'nyo, kino anak mo'ane aha totolu': i Mahli, i Eder tiba i Yeremot.

1 TAWARIKH 23:27

Jadi kalana palentah i Daud anu pupusnyomo na tinaloakonnyo, sahingga iwi-iwi' na mian Lewi, de umunmo 20 mo na tuna o tulismo i daputan ka' obee'imo kalaja.

1 TAWARIKH 23:3

lantas binilangnyomo na to momo'ane tulunan nu bansa Lewi anu ko umunnyomo tolumpulu'mo na taun mokiita'. Iwi-iwi' aha 38.000 na mian.

2 TAWARIKH 31:17

To ima-imam anu aha sa'anakan mae pinosi daputanakon, ka' mian nu Lewi anu umunnyo 20 mo na taun mokiita' pinosi daputanakon otoa ikalajanyo anu nubau nu aha ka' mule' otoa i gombuan nu aha.

EZRA 3:8

Sahingga salatan tinokamo i bitu'on anu ko ohua'nyomo, i taun anu ko ohua'nyomo salatan mian nu Israel ninsusule'mo i Yerusalem, aha nontampu'unimo po'ule' nombau Laigan nu Tumpu. I Zerubabel, i Yesua tiba to sanga-sangalu sangko bansa nu aha, to ima-imam, mian nu Lewi osainsanggo-sanggomo aha iwi-iwi' anu toho'mo binoa i Babel, nokalajamo hingga-hinggat. Aha mian nu Lewi anu ko umunmo 20 na taun mokiita' binee'an kalaja monjagai anu mokalaja i Laigan nu Tumpu aijo'.

NEHEMIA 7:1

Salatan pagan mesen aijo' jinadimo na binau, pinokaungkumo da tumbannyo opaha pokonamo. Lantas mian anu monjagai sabatan daka', to panya-panyanyi ka' aha to mia-mian nu Lewi pinokaungkumo da mombaumo kalajanyo nu aha toto samian.

NOMBILANGMO 1:18

nompalentahkonmo da iwi-iwi' na mian sihuk mae i tanggan sa'angu' bitu'on ko ohua'nyo, lantas tundulan nu aha o tulismo na to mia-mian anu daagi' hi toto sa'angu' na tulunan nu bansa mae nu aha. Sanggo nu to momo'ane iwi-iwi' anu umunnyo molabimo uampulu' na taun mokita o tulis ka' obilang.

NOMBILANGMO 10:17

Lantas Kemah nu Tumpu tinatakanmo, ka' nambamo na aha mian nu Gerson ka' Merari anu momboa Kemah aijo'.

NOMBILANGMO 10:21

Lapas aijo' nambamo na aha mian nu Kehat anu nomboa to paka-pakakas anu susi'. De aha tokamo i tampat pompotinjoan kemah anu po'ule' mule' opotinjo, Kemah nu Tumpu opotinjomo mule'.

NOMBILANGMO 18:5

Ola beleyum, i Harun, tiba to ana-anak nu beleyum na tionyo ahi' mombau pakalaja'an i Salipi' anu Susi' ka' i mezbah, da madi' Ku tambuha'i na bansa Israel.

NOMBILANGMO 2:32

Konjoo'nyo nu aha mian Israel anu tuli-tulis i daputan anu i uno nu posa'angu'an nu aha aijo' ka' i gombuannyo toto sa'angu' 603.550 na mian.

NOMBILANGMO 3:15

mombau daputan nu to mia-mian aha Lewi o ala i tulunannyo ka' aha sa'anakan toto samian; batu-batu anak mo'ane anu umunnyo molabimo sambitu'on mokita' tionyo ahi' otulismo na sanggonyo.

NOMBILANGMO 3:47

Kona hi samian na anak belemiu tionyo ahi' mombayan olima' na doi salaka susumo angga'nyo anu biasa opake i Kemah-Ku,

NOMBILANGMO 4:23

I Musa tionyo ahi' montulis sanggo nu mo'ane iwi-iwi' anu ko umunmo tolumpulu'mo sampe limampulu'mo na taun anu moko alamo mokalaja i Kemah nu Tumpu.

NOMBILANGMO 4:3

lantas o tulismo na sanggo nu mo'ane iwi-iwi' anu ko umunmo tolumpulu'mo na taun sampe limampulu'mo na taun anu moko alamo mokalaja i Kemah nu Tumpu.

NOMBILANGMO 8:24

“Batu-batu mian nu aha Lewi anu ko umunmo molabimo uampulu' ka' olima' na taun mokiita' tionyo ahi' mokalaja i Kemah-Ku.