1 TAWARIKH 23:13 - KITAB NU TUMPU ALLA LELE MA'IMAI'

¹³ I Amram aijo'mo na tuuma i Harun tiba i Musa. (I Harun ka' lee'nyo sampe toka sidu-sidutu' tinantukanmo samata-mata mongulus iwi-iwi' na pakakas anu opake de monsombahmo Tumpu, mompapu kamangian bau pongadati Tumpu, mombau anu nu pokauhakon nu Tumpu ka' mombalakati mian da'isan i uno nu sanggo nu Tumpu.

1 TAWARIKH 23:13 ပူးပေါင်းရင်းမြစ်များ

1 TAWARIKH 23:12

I Kehat kino anak mo'ane aha opat: i Amran, i Yizhar, i Hebron, tiba i Uziel.

1 TAWARIKH 6:3

I Amran kino anak mo'ane ua'aha; aijo'mo: i Harun, tiba i Musa, ka' boune samian aijo'mo i Miryam. I Harun kino anak mo'ane aha opat: i Nadab, i Abihu, i Eleazar tiba Itamar.

1 TAWARIKH 6:34

i Elkana, i Yeroham, i Eliel, i Toah,

MAZMUR 106:16

I tampat padang anu mateges na tano'nyo aijo' aha pinusamo hi Musa, ka' hi Harun posaihonNyo anu susi' aijo'.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 28:36

Bau na mainan mosoni' anu madi' ko galo'nyo, ka' otulisi potatae, 'Mokalaja samata-mata hi Tumpu.

NOSABATMO 29:44

Ku potimbalimo na Kemah tiba mezbah aijo' susi'mo. I Harun tiba to ana-anaknyo Ku potimbalimo anu samata-mata mokalaja hi beleng-Ku madi' pokakana sumo sangga'at da aha mombau anu Ku palentahkon salaku imam.

NOSABATMO 6:20

I Yizhar kino anak aha totolu' na mo'ane: I Korah, i Nefeg ka' i Zikhri.

IMAMAT 10:10

Belemiu tionyo ahi' moko ala monggihanakon apaa na anu samata-mata bagi nu Tumpu Allah ka' apaa na anu misa' bagi nu Tumpu Allah, anu mahumimi', ka' anu madi' mahumimi'.

NOMBILANGMO 18:1

Tumpu notataemo hi Harun, “Beleyum, to ana-anak nu beleyum tiba aha mian nu Lewi tionyo ahi montanggungi kasala'an apaa na anu timbali i Kemah-Ku, panyo ola beleyum tiba to ana-anak nu beleyum na tionyo ahi' montanggungi de sala' na pakalaja'an nu to ima-imam.

NOMBILANGMO 26:59

I Amram no'osoa tiba i Yokhebed anak i Lewi. I Yokhebed aijo' i hampe i Mesir. I Amram ka' i Yokhebed kino anak mo'ane ua'aha: I Harun tiba i Musa ka' mule' samian na boune, i Miryam.

NOMBILANGMO 3:27

Tulunan i Kehat aijo'mo aha sa'anakan mae i Amram, i Yizhar, i Hebron ka' i Uziel.

LUKAS 1:9

Ia tinompile'i ingundiakon sumo kabiasa'an anu nubau nu to ima-imam, Zakharia tiniju' da minsoop i Laigan nu Tumpu, ka' mompapui kamangian.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 21:5

To ima-imam Lewi suele ahi' mamba mokiijo', kalana aha tionyo ahi' mombee'i kaputusan toto sa'angu' na palakala. Aha pinile'anmo nu Tumpu Allah nu belemiu da montuluti apaa na anu pinalentahkon-Nyomo ka' mompotokakon balakat lengkat mae hi Tumpu.

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

ANU PINOTO'I HI YOHANES 8:3

Samian na malaikat sangga'at, anu nomboa sa'angu' na tampat pompapuan kamangian, mosoni' na tinutuk, tinoka ka' tinuminjo i ahop nu mezbah. Ia binee'an manjoo' hondo na kamangian da okakambuhakon i anu osombahkon aijo' i mezbah anu mosoni' na tinutuk ka' iwi-iwi' na do'a nu mian anu pinalesayamo hi Tumpu Allah suele nu kona nu kamangian aijo' anu o sombahkon i mezbah mosoni' na tinutuk anu aijo' i ahop nu kasuhangan.

1 SAMUEL 2:28

Iwi-iwi' na tulunan nu bansa Israel olamo aha sa'anakan na pinile'an-Ku da timbali imam-Ku, anu mokalaja i mezbah, mompapu kamangian, ka' mompusok baju nu imam de motataemo mae hi belengku. Ka' hi aha, ka' mule' lee' nu aha binee'an-Kumo hak mongala sambagian koloban anu osombahkon anu tinunuanmo i mezbah aijo'.