1 TAWARIKH 22:9 - KITAB NU TUMPU ALLA LELE MA'IMAI'

⁹ Maumo sumo aijo', ia binalajanji'mo hi belengku sumo uuka: Beleyum saidi' mae mohumpakmo samian na anak mo'ane anu mompalentahje ka' madi'mo ko anu lewa' mae monsampo bali', kalana Ku tulungimo na ia, sahingga madi'mo ko anu mamba mae mompahampateakon ia. Ia osanggohi i Salomo kalana de daagi' ia na mompalentah, Aku saja' mombee'i ia ka'ima'an nu lipu' ka' ka'amanan i songko-songko na Israel.

1 TAWARIKH 22:9 ပူးပေါင်းရင်းမြစ်များ

1 TOMU-TOMUNDO' 1:13

malia-lia' mamba mangadap hi Tomundo' Daud, ka' poto'i hi ia sumo uuka: ‘Te misa' belento Tomundo' binaumpa'mo hi belengku da i Salomo anaku anu momo'ane o hangkatmo bau tomundo' mombolosi belento Tomundo'? Uuka aiya, kadaka' i Adoniamo na tinimbali tomundo'?’ ”

1 TOMU-TOMUNDO' 2:15

Tinaaman i Adonia, “Da o sumbu' nu belento pontina'on sabenannyo aku ahi' na timbali tomundo'; aijo' tinahaimananmo nu mian Israel iwi-iwi', panyo' anu jinadi misa' sumo aijo'; utus ise'kumo na tinimbali tomundo' kalana sumo aijo' na pongka'oho nu Tumpu.

1 TOMU-TOMUNDO' 3:7

O Tumpu Allah-ngku Belento nohangkatmo aku binau tomundo', nombolosakon tuumangku, mau mule' aku ma'isa talalo motu'a ka' ma'isa monsumbu' pa' mosia na mompalentah.

1 TOMU-TOMUNDO' 4:20

Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

1 TOMU-TOMUNDO' 5:4

Panyo' uuka aiya Tumpu Allah-ngku nombee'imo ka'amanan i da'erah kakuasa'anku iwi-iwi'. Madi'mo ko anu monsampo bali' aku, ka' madi'mo suele ko balaa' anu nontokai mae lipu'ku.

1 TOMU-TOMUNDO' 8:56

“O puji' na Tumpu anu nombee'imo mae ka'amanan hi mian anu pinalesayamo hi ia susumo anu jinanji'-Nyomo hi Musa posaihon-Nyo. Iwi-iwi' na anu ma'ima' anu jinanji'-Nyomo ginanapan-Nyomo.

1 TAWARIKH 17:11

Saidi' mae de tokamo na ajan nu beleyum ka' beleyum olamunmo i polamunan nu mompolee' nu belemiu samian na anak nu beleyum momo'ane Ku hangkatmo timbali tomundo' iamo na mompotinjo laigan kajojoongan-Ku. Kalaja'annyo Ku pohosonmo ka' sampe toka sidu-sidutu' samian anu lengkat mae hi lee'nyo na mompalentahje salaku tomundo'.

1 TAWARIKH 22:18

Ia notatae, “Tumpu Allah nu belemiu montulungimo belemiu ka' nombee'imo kadamean ka' ka'amanan i songko-songko na lipu'. Ia nombee'imo kahosonan aku sahingga noko alamo nompatundu' iwi-iwi' bansa anu naipuan mae jinojoong i lipu' aiya. Tempo' uuka aha tinundu'mo hi beleyum ka' hi Tumpu.

2 TAWARIKH 6:15

Belento nongganapimo janji' nu Belento hi tuumangku i Daud. Apaa na anu jinanji'mo nu Belento aijo' binaumo nu Belento sinaa aiya.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

MAZMUR 72:1

Do'a i Salomo. O, Tumpu, pogulu'akon mae na atulan nu Belento hi tomundo, bee'iakon ka'adilan nu Belento hi anak mo'ane nu tomundo.

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YESAYA 66:12

Kalana Tumpu notataemo, “Belemiu Ku bee'ije kabilahian susumo kaunyo anu mo'ili; kakaya'an nu to bansa-bansa nuboaje mae hi belemiu susumo kanyo anu mosawe'mo. Belemiu sumomo anak anu oposusu ka' otangkung nu tinanyo, ka' osapu-sapumo aijo' tangku-tangkung hi ia.

HAGAI 2:9

Laigan-Ku anu salaje binau lebemo hondo ma'ima' molingkuduimo anu u'utu mae, ka' ia aiya Ku bee'imo ka'amanan ka' mule' kabilahian i uno nu kantumuu'an hi aha bansang-Ku.” Tumpu Anu Daka na Kuasanyo na notataemo.

TO MIA-MIAN KOPIAN 6:24

Lantas i Gideon nompotinjomo sa'angu' na mezbah ikiijo' ka' sinanggohannyo “Tumpu na Pinolengkatannyo mae nu Ka'ima'an”. Mezbah aijo' daagi' kiijo' i Ofra, aijo'mo kota nu aha mian Abiezer.