1 TAWARIKH 22:6 - KITAB NU TUMPU ALLA LELE MA'IMAI'

⁶ I Daud nolagamo anaknyo momo'ane, i Salomo, ka' nompalentahmo ia da mombaumo Laigan nu Tumpu Allah anu osombah nu mian nu Israel.

1 TAWARIKH 22:6 ပူးပေါင်းရင်းမြစ်များ

KAJADIAN 12:20

I tomundo nompalentahmo hi to pia-piangkuka anu ko pangkatnyo, ka' aha nonsabatakonmo i Abram da mompala'imo lipu' aijo' hingga-hinggat tiba bengkele'nyo ka' iwi-iwi' anu daagi' hi ia.

2 SAMUEL 7:1

Tumpu saja' monjagai i Tomundo' Daud da boli nu poposia nu sampo bali'nyo iwi-iwi' sahingga ia noko ala tinataap na jinojoong i laigan nu tomundo' anu aijo' kaka jojoongannyo.

1 TOMU-TOMUNDO' 2:1

Tempo'nyo i Daud malia'mo silaka, i laganyomo na i Salomo anaknyo momo'ane ka' lewa' nombee'i pokinde' anu memenyomo aitu na ia mombee'i pokinde'. I Daud notataemo,

1 TAWARIKH 17:1

Salatan i Tomundo' Daud tinataapmo i laigannyo nu tomundo', daagi' kino sansinaan i laganyomo na i Nabi Natan ka' notatae, “Toa, aku aiya jojoong i laigan nu tomundo', anu kau' lontio' nu Libanon na binau, padahan Peti' Palajanjian nu Tumpu ola i uno nu kemah!”

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

NOMBILANGMO 27:23

Lantas pinotiiknyomo na limanyo aita' i buan nu ubak i Yosua ka' nompoto'imo tukoonyo i Yosuamo na bau pombolosi ia, susumo anu pinalentahkonmo nu Tumpu hi ia.

SISIKON NU TO RASUL-RASUL 1:2

tinoka-toka i sinaa Ia i hangkatmo nokiita' i suluga'. Ma'isa pe'e Ia noliba' nokiita' i suluga', tiba kuasa nu Roh nu Tumpu Ia nombee'imo sonto-sonto' hi aha to rasul-rasul-Nyo anu pinile'anmo.

PO'ULE' INGULIT 31:14

Lapas aijo' Tumpu notataemo hi Musa, “Beleyum tumuu' madi'mo daagi' pin. Jadi lagamo mae na i Yosua ka' boa mae na ia i Kemah-Ku, da Ku bee'i pokinde' na ia.” Sahingga nambamo na i Musa ka' i Yosua nokiijo' i Kemah nu Tumpu,

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus: