1 TAWARIKH 22:19 - KITAB NU TUMPU ALLA LELE MA'IMAI'

¹⁹ Jadi tionyo ahi' belemiu palesaya ka' mohongo-hongo Tumpu Allah nu belemiu i uno nu kinyonyoa totu-totu'u ka' i uno nu kantumuu'an nu beleyum. Tampu'unimo na mombau laigan anu bau ponsomban Tumpu, da Peti' Palajanjian-Nyo ka' iwi-iwi' na pakakas sangga'at anu opake samata-mata de monsombahmo Tumpu, opo'una'mo i kiijo'.”

1 TAWARIKH 22:19 ပူးပေါင်းရင်းမြစ်များ

1 TOMU-TOMUNDO' 5:3

“Belento Tomundo' Hiram anu talasanggo! Tantu o sumbu'mo nu belento Tuan na tuumangku i Daud saja' pagala sabole-bole nahampate kalana saja' nu tumbuhi nu to lipu-lipu' anu aitu mae montikubi kami, ka' monsampo bali kami. Jadi kalana Tumpu ma'isa nombee'i ia kauntungan nahampate nongewa aha sampo bali'nyo, sahingga ia ma'isa kino tempo' mompotinjo laigan bau ponsombahnyo Tumpu Allah.

1 TOMU-TOMUNDO' 8:21

I uno nu Laigan nu Tumpu aijo' pinotoukankumo na pompokokoan Peti' Palajanjian anu pinongisian batu palajanjian nu Tumpu tiba mompolee'to tempo'nyo Ia nomboa mae nosabat lengkat mae i Mesir.”

1 TOMU-TOMUNDO' 8:6

Lapas aijo' to ima-imam nomboamo Peti' Palajanjian aijo' i uno nu Laigan nu Tumpu ka' pinokokomo nu aha i patu nu patong nu malaekat haha aijo' i Salipi' Anu Susi' hondo.

1 TAWARIKH 16:10

Olamo Ia na Tumpu Anu Sa'a-sa'angu'nyomo; balame-lame', kalana kita Ia na tumpunyo; iwi-iwi' na anu monsombah Ia tionyo ahi' lame'.

1 TAWARIKH 16:11

Opoita na kahosonan lengkat mae hi Ia, ka' saja' osombah na Ia.

1 TAWARIKH 22:16

mosoni', salaka, tambaga, ka' besak. Jadi sampamo lia-lia' otampu'uni! O'amalakon da Tumpu montulungi beleyum.”

1 TAWARIKH 22:7

Koonyo i Daud hi Salomo, “O anaku, pininmo na aku ko kahanda' mombau sa'angu' na laigan bau pongadati Tumpu Allah-ngku.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 20:3

I Yosafat nabuhukmo lantas ia binalado'amo nompoita pokinde' hi Tumpu. Lapas aijo' pinalentahkonnyomo da iwi-iwi' na mian da'isan bapuasa'.

2 TAWARIKH 5:7

Lapas aijo' to ima-imam nomposoopmo Peti' Palajanjian aijo' i uno nu Laigan nu Tumpu ka' pinokokonyomo i patu nu patong malaikat i uno nu Salipi' anu talalo hondo Susi'.

2 TAWARIKH 6:11

I uno nu Laigan nu Tumpu aijo' pinosadiangkumo na tampat bau pompokokoan Peti' Palajanjian anu koisinyo batu palajanjian nu Tumpu hi aha mian nu Israel.”

MAZMUR 119:2

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 14:2

Lengkat kiita' mae i suluga' Tumpu montoa mokaiyong manusia molio mian anu pande na monsombah Ia.

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

YEREMIA 29:13

Belemiu moliomo Aku ka' Aku ohumpakmo nu belemiu, kalana oliomo nu belemiu nu kinyonyoa anu totu-totu'u.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

HAGAI 1:5

Soba palahatikan na ka'ada'an nu belemiu!

HAGAI 1:8

Uuka aiya pindakomo aita puge-puge'nyo ka' pongala mae kau' lantas baumo na Laigan-Ku; sahingga Aku mongoa'imo sanang ka' mule' Aku osombahmo mule' susumo bau-baunyo anu sahondo-hondonyo. Soba palahatikan na ka'ada'an nu belemiu!

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 22:16

Uuka bolimo daagi' montanda'i talalo pin. Pobulamo ka' bee'mo na butongum da opalamandikan. Poita hi Tumpu da beleyum nu ampuni na to dosa-dosa'um.’ ”

PO'ULE' INGULIT 4:29

Lantas belemiu moliomo Tumpu Allah nu belemiu, ka' de o lio miu totu-totu'u na kinyonyoa, tantu o humpak nu belemiu na Ia.