1 TAWARIKH 22:16 - KITAB NU TUMPU ALLA LELE MA'IMAI'

¹⁶ mosoni', salaka, tambaga, ka' besak. Jadi sampamo lia-lia' otampu'uni! O'amalakon da Tumpu montulungi beleyum.”

1 TAWARIKH 22:16 ပူးပေါင်းရင်းမြစ်များ

1 TOMU-TOMUNDO' 2:2

“Aiyamo na tempo'nyo aku silakamo. Tionyo ahi' beleyum baani ka' palesaya totu-totu'u hi Tumpu Allah.

1 TOMU-TOMUNDO' 7:47

I Salomo madi' nompalentah da otimbang na tambaga hahah aijo', kalana talalo hondo manjoo'. Jadi ko boatnyo nu tambaga haha aijo' madi' sinumbu'.

1 TAWARIKH 22:11

Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

1 TAWARIKH 22:14

Mongkona Laigan nu Tumpu aijo' aku binalausahamo totu-totu'u nolimu' 3.400 na ton nu mosoni' ka' 34.000 na ton nu salaka, aitu pe'e nolabimo. Ka' mule' daagi' ko tambaga ka' besak anu madi'mo opoko bilang na konjoo'nyo. Kau' ka' batu suele pinosadiangkumo, panyo daagi' ahi' beleyum montuangi.

1 TAWARIKH 22:15

Manjoo' na mian anu mokalaja hi beleyum. Daagi' ko miana nu moko ala mokalaja i pongkekean batu daagi' ko tukang kau' tukang batu, ka' manjoo' hondo na tukang anu monsumbu' montutuk,

1 TAWARIKH 22:3

Da mombau paku' ka' hensel anu opokona i sabatan daka' haha aijo' i Laigan nu Tumpu, i Daud nolimu'mo besak manjoo' hondo. Ia mule' nolimu'mo manjoo' hondo na tambaga, sahingga madi'mo pilenje tinimbang.

1 TAWARIKH 28:10

Potutugakon ima-ima' saba' Tumpu nompile'imo beleyum da mombau laigan anu samata-mata opake ponsomban Ia. Jadi uuka aiya baumo na aijo' ka' okinyonyoai ahi' totu-totu'u.”

1 TAWARIKH 29:2

Pakakas anu obau laigan aijo' tibamo pakakas bau pongisinyo pinotoukamo totu-totu'u nu kamampuanku iwi-iwi'. Pinotoukangkumo na mosoni', salaka, tambaga, besak, kau', to batu-batu anu mahan na olinyo ka' to batu-batu mainan, to batu-batu anu monga-ngahan na buhitnyo anu bau pombunga-bungai, ka' manjoo' hondo na batu anu biasa opapu bau tiilon.

2 TAWARIKH 1:1

I Salomo anak mo'ane i Tomundo Daud tinimbalimo tomundo anu mahoson hondo na kakuasa'annyo i kalaja'an Israel. Tumpu Allah nombalakatimo ia ka' nompohosonmo hondo kakuasa'annyo.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

YOSUA 1:2

Tumpu notatae, “Posaihon-Ku i Musa sinilakamo. Jadi uuka aiya beleyum ka' iwi-iwi' na aha mian nu Israel pogogaumo da motaapmo mokiijo' i Kaunyo nu Yordan, ka' mompinsoopimo lipu' anu Ku bee'mo hi aha.

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

YOSUA 7:10

Tinaaman nu Tumpu na i Yosua, “Pobulamo! Madi' ko kaliangannyo na beleyum tinolodadupu susumo atina'!

TO MIA-MIAN KOPIAN 4:14

Lantas notataemo na i Debora hi Barak, “Donganmo, tumbuhi! Tumpu na molaya' belemiu. Sinaa aiya Ia mompo'untungmo belemiu mahampate mongewa i Sisera.” Sahingga nintatau'mo mae na i Barak lengkat mae i Bungkutnyo nu Tabor hingga-hinggat tiba aha sampulu' na madala na miannyo.

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”

1 SAMUEL 20:13

De ia ko kahanda'mo mompatei beleyum maka tionyo ahi' suele kupoto'i hi beleyum da mopalai. O'amalakon da Tumpu mompatei aku de han aijo' madi' kubau. O'amalakon da Tumpu montulungi beleyum susumo ia suele tinulungan-Nyomo!