1 TAWARIKH 22:14 - KITAB NU TUMPU ALLA LELE MA'IMAI'

¹⁴ Mongkona Laigan nu Tumpu aijo' aku binalausahamo totu-totu'u nolimu' 3.400 na ton nu mosoni' ka' 34.000 na ton nu salaka, aitu pe'e nolabimo. Ka' mule' daagi' ko tambaga ka' besak anu madi'mo opoko bilang na konjoo'nyo. Kau' ka' batu suele pinosadiangkumo, panyo daagi' ahi' beleyum montuangi.

1 TAWARIKH 22:14 ပူးပေါင်းရင်းမြစ်များ

1 TOMU-TOMUNDO' 10:14

Sataun toka sataun i Tomundo' Salomo mohumpak mosoni' mongohanimo 23.000 kilogram,

1 TOMU-TOMUNDO' 7:47

I Salomo madi' nompalentah da otimbang na tambaga hahah aijo', kalana talalo hondo manjoo'. Jadi ko boatnyo nu tambaga haha aijo' madi' sinumbu'.

2 TOMU-TOMUNDO' 25:16

Pakakas anu tambaga na binau anu pino ki tutuk i Tomundo' Salomo anu opake i Laigan nu Tumpu, aijo'mo ohua' na ohi', to kare-kareta ka' gumbang daka-daka', iwi-iwi' talalo hondo maboat sahingga madi'mo pinoko ala tinimbang.

1 TAWARIKH 22:15

Manjoo' na mian anu mokalaja hi beleyum. Daagi' ko miana nu moko ala mokalaja i pongkekean batu daagi' ko tukang kau' tukang batu, ka' manjoo' hondo na tukang anu monsumbu' montutuk,

1 TAWARIKH 22:3

Da mombau paku' ka' hensel anu opokona i sabatan daka' haha aijo' i Laigan nu Tumpu, i Daud nolimu'mo besak manjoo' hondo. Ia mule' nolimu'mo manjoo' hondo na tambaga, sahingga madi'mo pilenje tinimbang.

1 TAWARIKH 29:2

Pakakas anu obau laigan aijo' tibamo pakakas bau pongisinyo pinotoukamo totu-totu'u nu kamampuanku iwi-iwi'. Pinotoukangkumo na mosoni', salaka, tambaga, besak, kau', to batu-batu anu mahan na olinyo ka' to batu-batu mainan, to batu-batu anu monga-ngahan na buhitnyo anu bau pombunga-bungai, ka' manjoo' hondo na batu anu biasa opapu bau tiilon.

YEREMIA 52:20

Balang-balang tambaga anu pinoki bau i Tomundo' Salomo da opake iLaigan nu Tumpu, aijo'mo ohua' na ohii', kareta-kareta, kuhon tambaga, tiba sampulu' ka' ohua' na sapi' anu monsu'un kuhon tambaga ai-aijo', iwi-iwi' talalo ahi' maboat, sahingga madi'mo daagi' pinoko ala tinimbang.

2 KORINTUS 8:2

Aha inguji'mo nu kasusa'an anu toto boa-boat. Panyo mau mule' aha nongoa'imo kasusa'an-kasusa'an sumo aijo', aha bilahi ka' manonong hondo na kinyonyoa mombee'i bau pontulungi mian sangga'at, mau mule' aha kasiasi hondo.