1 TAWARIKH 22:11 - KITAB NU TUMPU ALLA LELE MA'IMAI'

¹¹ Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

1 TAWARIKH 22:11 ပူးပေါင်းရင်းမြစ်များ

1 TAWARIKH 22:16

mosoni', salaka, tambaga, ka' besak. Jadi sampamo lia-lia' otampu'uni! O'amalakon da Tumpu montulungi beleyum.”

1 TAWARIKH 28:20

Lapas aijo' i Tomundo' Daud notatae mule' hi Salomo anaknyo momo'ane, “Beleyum tionyo ahi' totu-totu'u na kinyonyoa ka' baani. Tampuunimo na kalaja ka' boli bata-bata maumo pa'apaa na o ahopi. Tumpu Allah anu ku ku sombah na montulungi beleyum. Ia madi' mompojohok beleyum. Ia saja' montoa kapalaluan nu beleyum sahingga iwi-iwi' na kalaja aijo' timbalimo, ka' madi'mo ko anu obau.

2 TAWARIKH 1:1

I Salomo anak mo'ane i Tomundo Daud tinimbalimo tomundo anu mahoson hondo na kakuasa'annyo i kalaja'an Israel. Tumpu Allah nombalakatimo ia ka' nompohosonmo hondo kakuasa'annyo.

2 TAWARIKH 6:10

Uuka aiya Tumpu nongganapimo janji'-Nyo. Aku tinimbalimo Tomundo nu Israel nombolosakonmo tuumangku, ka' mule' aku nombaumo laigan bau tampat ponsomban Tumpu, Tumpu Allah nu Israel.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

ROMA 15:33

O amalakon da Tumpu mombee'i mae kabilahian hi mian mombalakati komiu Utus iwi-iwi'. Amin.

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”

1 SAMUEL 20:13

De ia ko kahanda'mo mompatei beleyum maka tionyo ahi' suele kupoto'i hi beleyum da mopalai. O'amalakon da Tumpu mompatei aku de han aijo' madi' kubau. O'amalakon da Tumpu montulungi beleyum susumo ia suele tinulungan-Nyomo!