1 TAWARIKH 22:1 - KITAB NU TUMPU ALLA LELE MA'IMAI'

¹ Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

1 TAWARIKH 22:1 ပူးပေါင်းရင်းမြစ်များ

KAJADIAN 28:17

Ia nabuhukmo lantas notataemo, “Palias na tampat aiya okabuhuk! Tantu aiya Laigan nu Tumpu Allah, sabatan daka' nu suluga'.”

2 SAMUEL 24:18

Ka' suele i Gad tinokamo sinaa aitu nangadap hi Daud ka' notatae hi ia, “Tionyo ahi' belento Tomundo' pindakomo mokiita' i tampat ponggilingan gandum anu i Arauna, ka' potinjo na mezba bau ponsomban Tumpu.”

2 TOMU-TOMUNDO' 18:22

Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

1 TAWARIKH 21:30

Panyo i Daud madi bani no kijo lako me binasisik tiba Tumpu kalana ia mabuhuk, i bajak nu malaikat nu Tumpu.

2 TAWARIKH 3:1

I Tomundo Daud nontantukan tukoonyo Laigan nu Tumpu tionyomo ahi' obau i Yerusalem, i Bungkutnyo nu Moria i tampat pongututan gandum anu i Arauna mian nu Yebus. Mombau Laigan nu Tumpu aijo' tinampu'unanmo i Tomundo Salomo.

2 TAWARIKH 32:12

Iamo na nongidei tampat-tampat ponsomban ka' to mezbah-mezbah ponsomban Tumpu, lantas nonsai mian nu Yehuda ka' Yerusalem monsombah ka' mompapui kamangian ola i sa'angu' na mezbah.

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

MATIUS 25:16

Posaihon anu nontalima olima' na madala doi mosoni' aijo' lia-lia' namba binadagang, lantas nohumpak ka'untungan olima' na madala doi mosoni' mule'.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.