1 TAWARIKH 21:8 - KITAB NU TUMPU ALLA LELE MA'IMAI'

⁸ Lantas binalado'amo na i Daud, “O Tumpu Allah', aku talalomo binaladosa'! Ampuniakon mae na aku kalana anu binaungkumo aijo' talalo hondo ponga'.”

1 TAWARIKH 21:8 ပူးပေါင်းရင်းမြစ်များ

KAJADIAN 34:7

Tempo'nyo aitu to ana-anak i Yakub ninsusule'mo mae lengkat i tampat padang bola. Nohongo han anu jinadimo aijo', aha tinolokengkengmo ka' na'idekanmo hondo na kinyonyoa nu aha. Kalana nompasala'mo anak i Yakub aijo', alati'nyo i Sikhem nongambangimo iwi-iwi' na mian nu Israel.

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

2 SAMUEL 13:13

De obaumo sumo aijo' iya mae na pomposulukanku ohupku? Ka' mule' beleyum suele opopo ambangmo nu mian Israel haha aiya. Sahanyo nu bisalakon hi tomundo' tantu nu situjuimo na aku bau bengkele' nu beleyum.”

2 SAMUEL 24:10

Panyo' salatan pinoko lekengmo i Daud na bansa aijo' ingoa'annyo ia sinala'mo, lantas ia notataemo hi Tumpu, “O Tumpu, aku talalomo hondo binaladosa'! Ampuniakon mae na aku, kalana pinonga'mo hondo na aku nombaumo sumo aijo'.”

1 TAWARIKH 21:7

Tumpu Allah madi' sanang na mombilang aijo' sahingga Ia nohukumo aha mian nu Israel.

2 TAWARIKH 10:9

Hi aha na pinompokilawannyo, “Mosia na pokinde' nu belemiu hi belengku da bau pontaamingku mian da'isan anu nompoitamo da ku polaing na kolonon nu aha?”

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

1 SAMUEL 13:13

Nohongo potatae aijo' i Samuel notataemo hi Saul, “Anu binaumo nu belento Tomundo', aijo' sala' hondo. Debelento Tomundo' montuluti palentah nu Tumpu Allah anu pinotokamo hi belento Tomundo' tantu Tumpu mompotatapmo belento Tomundo' tiba lee' nubelento Tomundo' da timbali tomundo' hi aha mian nu Israel sampe toka sidu-sidutu'.

1 SAMUEL 26:21

Tinaaman i Saul, “Aku nombaumo kasala'an pinsusule'mo Daud, Anaku! Aku madi'mo daagi mombau anu ma'idek hi beleyum kalana beleyum nohalala'akonmo aku sinampahu na utu. Kalakuanku memang pinonga'mo. Aku totu-totu'u sinala'mo!”