1 TAWARIKH 21:30 - KITAB NU TUMPU ALLA LELE MA'IMAI'

³⁰ Panyo i Daud madi bani no kijo lako me binasisik tiba Tumpu kalana ia mabuhuk, i bajak nu malaikat nu Tumpu.

1 TAWARIKH 21:30 ပူးပေါင်းရင်းမြစ်များ

2 SAMUEL 6:9

Panyo i Daud mongkabuhuk ahi Tumpu, sahingga ia notataemo, “Jadi uuka aiya mosia na Peti' Palajanjian aiya ku boa?”

1 TAWARIKH 13:12

Panyo i Daud mabuhuk ahi' hi Tumpu Allah sahingga ia notataemo “Uuka aiya mosiamo da Peti' Palajanjian aijo' timbali ku poko ala ku boa?”

1 TAWARIKH 21:16

I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

1 TAWARIKH 21:29

Temponyo aitu kema nu Tumpu anu binau i Musa kijo i padang bola tiba mezbah bau pompounaan koloban anu opotunu dagi kijomae i tampat ibadat anu kijo i Gibeon.

1 TAWARIKH 22:1

Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

AYUB 13:21

bolimo mae monsakisa aku, ka' bolimo mae nu pokonai na aku nu tambuha' nu Belento anu talalo hondo mompopobuhuk aku!

AYUB 21:6

De ku potutugakon na aku aiya, nulakatmo na aku kalana mansihimo na bulu na mongoa'i ka' mabuhukmo.

AYUB 23:15

Kalana mongkabuhuk Ia, aku i lakatnyomo; de talalomo aku mompotutugakon iwi-iwi' aijo', mompaka pabuhukmo na aku.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

YEREMIA 10:7

Ihe na madi' mongka'oho' tundu' hi Belento, tomundo' nu aha bansa iwi-iwi'? Memang, Belento patut hondo o, adati. Iwi-iwi' na anu pande hi aha to bansa-bansa ka' hi aha iwi-iwi' na tomundo' nu aha, madi' ko samian pe'e na timbali pompokakana i tiba butong nu Belento o, Tumpu.

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”