1 TAWARIKH 21:27 - KITAB NU TUMPU ALLA LELE MA'IMAI'

²⁷ Lantas pinokaumo nu Tumpu na malaikat poule nomposalung bajaknyo malaikat mule nombatukmo palentah nu Tumpu aijo.

1 TAWARIKH 21:27 ပူးပေါင်းရင်းမြစ်များ

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

1 TAWARIKH 21:12

Lipu' aiya nu tokaimo mae nu balaa' kasusa'an i anu okaan totolu' na taun na kopinnyo, kabai belento Tomundo' lewa' mopalai nu loloi' nu sampo bali' kopinnyo totolu' na bitu'on, kabai songko-songko na lipu' aiya tolunsinaa na kopinnyo na nu tumbuhi nu Tumpu nu bajak-Nyo aijo'mo panyakit anu molele, ka' malaekat-Nyo mombo'a kasilakan toka yayamae.”

1 TAWARIKH 21:20

I tampat pongututan gandum i Arauna dagi ko anaknyo aha opat tomomo'ane hau haunyo mongutut gandum, nontoa malaikat aijo aha opat na anak aitu nopadekao nitatampung.

1 TAWARIKH 21:26

Lapas atu i Tomundo' Daud nompotinjomo saangu na mezbah hi Tumpu, ka nom-palasombahkan koloban anu opotunu ka koloban pompodame lapas aijo binala do'amu na i Tomundo' Daud, do'anyo aijo tinaman nu Tumpu tiba adu anu tinudun lengkat i langit nompapui koloban-koloban ata i mezbah aijo.

1 TAWARIKH 21:28

Salatan tinoa i Tomundo' Daud, Tumpu nontamimo do'anyo kalana palasom-bahanyo aijo; ia nompaka palasombahkan mule koloban i mezbah aijo.

MAZMUR 103:20

O, puji' na Tumpu, o, belemiu to mala-malaekat-Nyo anu to babaani, anu mompotombihing ka' mombau anu nu palentahkon.

YEREMIA 47:6

Belemiu moloboo', ‘Sampe toka hipian na kopinnyo na beleyum montumbuhi, o, bajak nu Tumpu? Pinsusule'mo isalungum ka'jojoongmo kiijo' mae, bolimo daagi' mompoposia!’

YEHEZKIEL 21:30

O, mian nu Amon, po ule' posalung na bajak nu beleyum! Belemiu Ku bee'imo hukuman itampat belemiu pinotimbali ka' pinohampe.

MATIUS 26:52

I Yesus notatae hi anu saja' mombatuki Ia aijo', “Po'ule' posalung na bajakum i salungnyo, kalana iwi-iwi' mian anu mompahaikakon bajaknyo, mate nu bajak.

YOHANES 18:11

Sahingga i Yesus notatae hi Petrus, “Po'ule' posalung na bajakum i guma'nyo! Pa' koyum o Aku madi' sida monginum galas kasansala'an anu binee' nu aha Tuuma hi beleng-Ku?”

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.