1 TAWARIKH 21:26 - KITAB NU TUMPU ALLA LELE MA'IMAI'

²⁶ Lapas atu i Tomundo' Daud nompotinjomo saangu na mezbah hi Tumpu, ka nom-palasombahkan koloban anu opotunu ka koloban pompodame lapas aijo binala do'amu na i Tomundo' Daud, do'anyo aijo tinaman nu Tumpu tiba adu anu tinudun lengkat i langit nompapui koloban-koloban ata i mezbah aijo.

1 TAWARIKH 21:26 ပူးပေါင်းရင်းမြစ်များ

1 TOMU-TOMUNDO' 18:24

Nabi nu Baal haha aijo' balado'a hi pilogot nu aha, ka' aku suele balado'aje hi Tumpu. Anu montudunakon mae apu salaku pontaaminyo. Aijo'mo na Tumpu Allah.” Iwi-iwi' na mian da'isan nontaamimo daka-daka' na potatae, koonyo nu aha, “Situju.”

1 TOMU-TOMUNDO' 18:38

Lantas tinudunakonmo mae nu Tumpu na apu lengkat mae i langit ka'nompapuimo sahingga notoyo'mo na koloban aijo' tiba kau'nyo tiba batunyo haha aijo' ka' tano'nyo ka' kinaannyomo suele na uee aijo' sampe no'oti na uee aijo' i sepe'nyo.

1 TAWARIKH 21:27

Lantas pinokaumo nu Tumpu na malaikat poule nomposalung bajaknyo malaikat mule nombatukmo palentah nu Tumpu aijo.

2 TAWARIKH 3:1

I Tomundo Daud nontantukan tukoonyo Laigan nu Tumpu tionyomo ahi' obau i Yerusalem, i Bungkutnyo nu Moria i tampat pongututan gandum anu i Arauna mian nu Yebus. Mombau Laigan nu Tumpu aijo' tinampu'unanmo i Tomundo Salomo.

2 TAWARIKH 7:1

Noko lapas na i Tomundo Salomo binalado'a, apu nintatau'mo lengkat mae i langit ka' nontoyo'imo iwi-iwi' na koloban anu sinombahkonmo hi Tumpu. Lantas jingka salaku tanda Tumpu tinokamo, Laigan nu Tumpu aijo' najingkamo songko-songko,

MAZMUR 51:15

Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

YESAYA 65:24

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

NOMBILANGMO 16:50

Salatan panyakit anu molele aijo' binelentimo, i Harun ninsusule'mo hi Musa i sabatan nu Kemah nu Tumpu.

TO MIA-MIAN KOPIAN 13:20

Hau-haunyo apu i noakmo nokiita' lengkat i batu aijo', i Manoah tiba bengkele'nyo nontoamo malaekat nu Tumpu aijo' noliba'mo nokiita i uno nu apu anu i noakmo aijo', nokiita'mo i langit. Atina'je ka' sinumbu' i Manoah taalu' aijo' malaekat nu Tumpu; sahingga ia tiba bengkele'nyo tinolodadupumo nonsombahmo. Madi'mo daagi' toho' aha nontoa malaekat aijo'.

TO MIA-MIAN KOPIAN 6:21

Lapas aijo' malaekat nu Tumpu aijo' nompotikmo tuu' nu kau' anu totoong hi ia i antoknyo ka' i roti aijo'. Batu aijo' i noakmo ka' nopapumo madi'mo ko anu tinontuha' na antoknyo ka' roti aijo'. Lapas aijo' madi'mo ko anu tinoa na malaekat aijo'.