1 TAWARIKH 21:17 - KITAB NU TUMPU ALLA LELE MA'IMAI'

¹⁷ I Daud binala doamo, ia notatae, “Oh Tumpu, Aku sinala'o Aku anu nompokaumo anu lako monsesus. Bansa aiya madi kosalah oh Tumpu Allangku. Hukum mae na aku ka kami sambonua, panyo pojo'onakon na balaa' himian anu palesaya hikita Tumpu.”

1 TAWARIKH 21:17 ပူးပေါင်းရင်းမြစ်များ

KAJADIAN 44:33

Jadi, ku kakaase hi belento Tuanku, de timbali akumo na jojoong i aiya timbali posaihon nu kita Tuanku mombolosakon utus ise' mami aiya; bakas da ia minsusule'mo hingga-hinggat tiba to utu-utusnyo tu'a.

2 SAMUEL 12:10

Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 24:1

Tumpu pinusa mule' hi mian nu Israel, lantas sinale'annyo mule' na i Daud da oposusa' mule' na bansa aijo'. Koonyo nu Tumpu hi ia, “Lekengmo na aha mian nu Israel tiba mian nu Yehuda.”

2 SAMUEL 24:17

I Daud nontoamo malaekat lewa' nompatei mian da'isan aijo', lantas ia notataemo hi Tumpu, “Aku na binaladosa'mo kalana aku na nombau kasala'an aijo'. Panyo' paya' apaa na kasala'an nu bansa anu binala'mo aijo'? Hukummo mae na aku ka' kami sa'anakan!”

2 SAMUEL 7:8

Mokonyo aijo' Natan, poto'iakon hi Daud posaihon-Ku, Aku Tumpu Anu Daka' na kuasangku mompoto'i hi ia, 'Beleyum hau-haunyo molaya' domba kiijo' mae i padang ingalang-Kumo ka' ihangkat-Kumo binau tomundo' hi aha mian Israel anu pinalesayamo hi belengku.

1 TOMU-TOMUNDO' 22:17

Binalosan i Mikha, “Tinoangku na suludadu nu Yizreel nosungke-sungkehetmo i bungkutnyo haha aijo'. Aha susumo domba anu madi'mo ko polaya'nyo, ka' tinaloakonmo nu Tumpu na aha, 'Mian haha aiya madi'mo daagi' ko polaya'nyo pobakasmo da aha minsusule'mo mae ma'i-ma'ima'.’ ”

1 TAWARIKH 21:8

Lantas binalado'amo na i Daud, “O Tumpu Allah', aku talalomo binaladosa'! Ampuniakon mae na aku kalana anu binaungkumo aijo' talalo hondo ponga'.”

MAZMUR 44:11

Pinojohokmo nu Belento na kami mopalaimo mompala'i sampobali' mami ka' ingagoanmo nu aha na halata' mami.

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YUNUS 1:12

Tinaaman i Yunus, “Alinmo mae na aku mokaiyong i ambai da antong aiya belentimo. Kalana uuka aiya sinumbu'kumo taalu' akumo aiya na nonsaduakon sahingga antong anu talalo hondo makansang aiya nontintipmo mae belemiu.”

ROMA 9:3

kalana to Utu-utusku anu sa'a-sa'angu' na bansa tiba aku. Kalana monginau' aha, aku sanaang na nukutuki nu Tumpu ka' oga'atakon hi Kristus.

YOSUA 22:18

Ka' uuka aiya, belemiu mongka'oho' mule' mohiku Tumpu? De belemiu sinaa aiya madi'mo mohongo-hongo Tumpu, dodop Ia pusamo hi aha iwi-iwi' mian nu Israel.

1 YOHANES 3:16

Tiba jalan anu sumo aiya kita nonsumbu'mo mosia na mongkalibosi sangko mian: I Kristus nombee'mo butong-Nyo kalana kita. Kalana aijo', kita suele tionyo ahi' mombee' kantumuu'anto kalana to Utu-utusto!