1 TAWARIKH 21:16 - KITAB NU TUMPU ALLA LELE MA'IMAI'

¹⁶ I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

1 TAWARIKH 21:16 ပူးပေါင်းရင်းမြစ်များ

KAJADIAN 3:24

Lapas aijo', i sasu kabete'an nu taman aijo' i ahop nu sabatan pinsoopan, Tumpu Allah nompojoongmo to mala-malaekat, ka' samata na bajak anu ko apunyo anu tumoyo i songko-songko na tampat aijo' monjagai jalan mokiijo' i kau' anu mombee'i kantumuu'an aijo'. Tiba jalan anu sumo aijo' madi' ko samian pe'e na moko ala minsoop ka' mongohani kau' aijo'.

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

2 TOMU-TOMUNDO' 19:1

Tempo'nyo i Tomundo' Hizkia nohongomo lele anu pinotokamo nu aha totolu' na mian aijo', ia nombea-beakmo baju'nyo ka' nompusokmo hude kalung tandanyo ia talalomo sinusa', lantas ia nambamo i Laigan nu Tumpu.

2 TOMU-TOMUNDO' 6:17

Lantan i Elisa binalado'amo, “O Tumpu, de timbali belento mombuka'akon mata nu posaihonku da ia timbali montoa!” Do'a i Elisa i hongomo nu Tumpu sahingga salatan posaihonnyo nontoamo nokiijo' tinoanyo na bungkutnyo aijo' nobuke'mo nu ajahan tiba kareta ko apunyo nontikubimo i Elisa.

YEHEZKIEL 30:25

Memang totu'u, tomundo' Mesir madi'mo Ku pohoson panyo i tomundo' Babel Ku pohosonmo. De Ku bee'mo na bajak-Ku hi ia, ka' nu tangkakonmo sasu mokiijo' Mesir, nu sambu'je nu aha taalu' Akumo ahi' na Tumpu.

YEHEZKIEL 9:8

Tempo'nyo aha lewa' pinatean aijo' aku sausa'ku daagi' ikiijo'. Aku tinolodadupumo ka' notataemo daka-daka', “O, Tumpu Anu Matangkas na Kuasanyo, taalu' sumo atina' na Belento nontambuha'imo Yerusalem sahingga Nu pateimo iwi-iwi' na mian anu daagi' aiya i Israel?”

NOMBILANGMO 14:5

Lantas i Musa ka' i Harun tinolodadupumo i ahop nu mian da'isan.

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

NOMBILANGMO 22:23

Nontoa malaekat tinuminjomo ikiijo' ka' bajaknyo kineatnyomo, keledai aijo' noselemo madi'mo nontulu jalan ka' nokiijo'mo i ale'. I Bileam nondokemo keledai aijo' ka' po'ule' nomboa nokiijo' i jalan.

NOMBILANGMO 22:31

Lantas Tumpu nombaumo i Bileam da timbali montoa malaekat nu Tumpu tinjo-tinjo ikiijo' ka' bajaknyo kineatmo. Nalia-lia' na i Bileam dinumaladupu i tano' ka' nonsombah.

TO MIA-MIAN KOPIAN 13:20

Hau-haunyo apu i noakmo nokiita' lengkat i batu aijo', i Manoah tiba bengkele'nyo nontoamo malaekat nu Tumpu aijo' noliba'mo nokiita i uno nu apu anu i noakmo aijo', nokiita'mo i langit. Atina'je ka' sinumbu' i Manoah taalu' aijo' malaekat nu Tumpu; sahingga ia tiba bengkele'nyo tinolodadupumo nonsombahmo. Madi'mo daagi' toho' aha nontoa malaekat aijo'.