1 TAWARIKH 21:13 - KITAB NU TUMPU ALLA LELE MA'IMAI'

¹³ Tinaman i Daud; “Beh! Silakamo na Aku! Panyo'i, de mememule nu hukum nu Tumpu anu daka na liibos-Nyo.”

1 TAWARIKH 21:13 ပူးပေါင်းရင်းမြစ်များ

2 TOMU-TOMUNDO' 6:15

Dodododopnyo subu-subu hondo salatan posaihon i Elisa nobulamo ka' nosabat tinoanyo na suludadu nu Siria nontumbuhimo mae kota' aijo', sinadiamo na kuda ka' kareta bau pahampate nu aha. Jadi ia ninsusule'mo nokiijo' hi Elisa ka' nompoto'i “Silakamo na kita Tuan! Apaa na anu obaunto?”

2 TOMU-TOMUNDO' 7:4

De kita minsoopmo mokiijo' i kota' kita silakamo nu ohop; ka' de kita lewa' jojoong i aiya, kita suele silakamo. Sahanyo kita mamba mokiijo' i kemah nu mian Siria. De aha tahahumo pusa, kita nupatei nu aha. Panyo ihe na monsumbu' kita madi' opoposia.”

2 TAWARIKH 28:9

Samian na nabi nu Tumpu sanggonyo i Obed jojoong i kota' Samaria. Tempo'nyo suludadu nu Israel ninsusule'mo mae ka' nomboamo mae aha mian nu Yehuda anu i hakop, i Obed nonsingkabotimo aha salatan aha ninsoopmo i kota'. Ia notatae, “Belemiu nompatundu'mo mian nu Yehuda kalana Tumpu Allah mompolee' nu belemiu nontambuha'imo aha. Panyo Tumpu nohongomo mosia na belemiu nonsansalaimo ka' nompateimo suludadu nu Yehuda haha aijo'.

ESTER 4:11

“Batu-batu mian pa' mo'ane kabai boune kalu madi' olaga mangadap hi tomundo, lantas sainto-tolo mangadapmo, saba' i popasan nu laigan i tomundo, mohumpakmo hukuman opatei. Aijo' na atulannyo, ka' iwi-iwi' na mian lengkat pe'e hi mian anu lewa' mompokinde'i i tomundo toka-toka hi mian da'isan anu kiijo' mae i to propinsi-propinsi, nonsumbu'mo han aijo'. Ola sa'angu' na jalan na madi' mohumpak hukuman aijo' anu i uno nu atulan aijo', aijo'mo de bisuannyo i tomundo mompotajumo tokonnyo mosoni' mokiijo' hi mian aijo'. De aijo' na jadi yo ia tumuu'. Panyo sambitu'onmo uuka aiya aku madi'mo toho' ilaga i tomundo.”

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MAZMUR 103:8

Kalana Tumpu saja' mongkalibosi ka' mongkanonongi, Ia talalo hondo sabaan ka' kalibosannyo daka' hondo.

MAZMUR 106:7

Tempo'nyo kiijo' mae i Mesir mompolee' mami madi' mangalati'; kalaja nu Belento anu talalo hondo okabangangi, madi' nusumbu' nu aha. Kinolilimanmo nu aha na kalibosan nu Belento anu nolabi-labimo, ka' anu koko Ambai Gelagah, aha notomuhukmo hi Anu Matangkas na Kuasanyo.

MAZMUR 119:156

Talalo hondo daka' na kalibosan nu Belento o, Tumpu, posalamatakon mae na aku susumo ka'adilan nu Belento.

MAZMUR 130:4

Panyo Belento mongampunimo ahi', da mian montulutimo ahi Belento.

MAZMUR 130:7

Tumpumo ahi' na otaha'imani o mian anu pinalesayamo hi Ia, kalana Ia sabole-boleh mongkalibosi, ka' saja' sadia momposalamat.

MAZMUR 5:7

Nupatei nu Belento na to mia-mian anu mongka'ima'i lewa' baleko' anu saja' mongakali ka' anu saja' mompatei otoa nu Belento madi' ko angga'nyo.

MAZMUR 69:13

Aku tinimbalimo mian anu lewa' osisik iyaya mae de sihukmo na mian, ka' mule' nyanyian nu to mia-mian anu lewa' malangu mongaku aku.

MAZMUR 69:16

Boli opojohok na aku nu anjuhakon nu ambai anu bundokmo ka' bokolonmo ka' mule' tonu'mo ilana nu ambai kabai olamunmo i uno nu bolo'.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

AMSAL 12:10

Mian anu manonong mongkalesang potuu'onnyo; panyo mian anu ma'idek na kinyonyoanyo na ola ahi'monsakisa.

YESAYA 46:7

Patong aijo' pinaku'mo ka' pino una'mo itampatnyo, ia tuminjo'mo ikiijo' ka' madi' ahi' moko ala molalin. De mian tokamae balado'a hi ia, ia madi' montaami, ka' madi' ahi' momposalamat mian aijo' da madi'mo susa'.

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.

MOHAANGI 3:32

Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

HABAKUK 3:2

O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

YOHANES 12:27

“Kinyonyoang-Ku meat; apaa na anu tionyo Ku taloakon uuka? Pa' tionyo Ku taloakon, ‘Tuuma, opimpaliakon na Aku uuka aiya?’ Panyo kalana da mongoa'i sakisa aiya, mokonyo aitu Aku tinoka.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

IBRANI 10:31

Palias na ko sansalanyo de manabu' i lima nu Tumpu Anu Tumuu'!