1 TAWARIKH 21:12 - KITAB NU TUMPU ALLA LELE MA'IMAI'

¹² Lipu' aiya nu tokaimo mae nu balaa' kasusa'an i anu okaan totolu' na taun na kopinnyo, kabai belento Tomundo' lewa' mopalai nu loloi' nu sampo bali' kopinnyo totolu' na bitu'on, kabai songko-songko na lipu' aiya tolunsinaa na kopinnyo na nu tumbuhi nu Tumpu nu bajak-Nyo aijo'mo panyakit anu molele, ka' malaekat-Nyo mombo'a kasilakan toka yayamae.”

1 TAWARIKH 21:12 ပူးပေါင်းရင်းမြစ်များ

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

2 TOMU-TOMUNDO' 19:35

Pihi-pihimo aitu na Malaikat nu Tumpu tinoka i kemah nu aha mian Asyur, ka' nompatei 185.000 na suludadu. Dodo-dodopnyo subu-subu bangke' nu aha haha aijo' paha-paha bahangkangmo.

2 TOMU-TOMUNDO' 8:1

Daagi' kino sa'angu' na tempo' Tumpu nonpotokamo mae balaa' kasusa'an i anu o kaan i lipu' nu Israel pinopitu' na taun na kinopinnyo. Ma'isa pe'e jinadi na aijo' pinoto'imo i Elisa hi boune anu lengkat mae i Sunem anu koko anaknyo po'ule' pinotumuu'nyo. I Elisa suele nonsaimo ia da molalinmo na aha iwi-iwi' salaigan da mamba i lipu' sangga'at.

1 TAWARIKH 21:11

Lantas nambamo na i Gad hi Daud, ka' nompoto'i potuunon nu Tumpu aijo', tukoonyo, “Iya na anu nu pile'i nu Belento Tomundo':

MAZMUR 91:6

kabai balaa' anu toka mae salatan pintungmo, kabai kasilakan anu montokai mae sonsu'un sinaa.

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

YESAYA 66:16

Kalana iwi-iwi' na mian anu kosala'nyo nuhukumo nu apu tiba bajak, ka' manjoo'mo na anu i hukum mate.

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 42:16

“Pahampatean ka' kasusa'an i anu okaan oka-okabuhuk nu belemiu mololoi'mo belemiu toka-toka i Mesir ka' mule' belemiu silakamo ilipu' kiijo' mae.

YEREMIA 47:6

Belemiu moloboo', ‘Sampe toka hipian na kopinnyo na beleyum montumbuhi, o, bajak nu Tumpu? Pinsusule'mo isalungum ka'jojoongmo kiijo' mae, bolimo daagi' mompoposia!’

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

IMAMAT 26:10

Isi nu ale' nu belemiu molabi-labimo sahingga sukupmo na anu okaan sataun. Ka' mule' belemiu tantu monsabatakonmo labinyo nu anu pinadak pininmo da tampatnyo ponguna'anmo anu sala'je pinadak.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

LUKAS 4:25

Panyo hongo: Tempo'nyo i Elia, tempo'nyo aitu madi' tinudun na ujan totolu' mintonga' na taun na kopinnyo, jinadimo na kapo'ohopan anu daka' i songko-songko na lipu'. Tempo'nyo aijo' manjoo' na to balu-balu i Israel.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

PO'ULE' INGULIT 28:15

“Panyo de belemiu madi' montuluti Tumpu Allah nu belemiu, ka' madi' mombau ima-ima' palentah iwi-iwi' ka' atulan-Nyo anu ku bee'mo hi belemiu sinaa aiya, saba' iwi-iwi' na kutuk aiya opokonamo hi belemiu:

PO'ULE' INGULIT 28:22

Tumpu mohukumo belemiu iwi-iwi' nu panyakit anu molele, singkaap bangkak ka' monsihabi. Nu potokamo mae na posinaa daka' ka' mombun anu montoyo'i, sahingga anu opadak nu belemiu ma'idekmo. Balaa' haha aijo' saja'mo mongkona belemiu sampe belemiu silaka.

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

PO'ULE' INGULIT 28:35

Nupokonaimo nu Tumpu kumahut na tengke nu belemiu ka' madi'mo ko kapa'alinannyo; lengkat pe'e i tengke toka-toka mokiita' i ubak nu belemiu me saja' kumahut.