1 TAWARIKH 20:5 - KITAB NU TUMPU ALLA LELE MA'IMAI'

⁵ I tampat sangga'at na pinahampatean nongewa mian nu Filistin, i Elhanan anak i Yair nompateimo i Lahmi utus i Goliat mian nu Gat. Duhukan nu talombo' i Lahmi aijo' sumo kau' pakakas nu pontonun hude.

1 TAWARIKH 20:5 ပူးပေါင်းရင်းမြစ်များ

2 SAMUEL 21:19

Po ule' mule' nahampate i sinaa sangga'at nongewa aha mian nu Filistin kiijo' i Gob, i Elhanan anak i Yair anu lengkat mae i Betlehem nompateimo i Goliat anu nolengkat mae i Gat. Duhukan nu talombo' i Goliat aijo' ko daka'nyo sumo kau' anu opake montonun.

1 TAWARIKH 11:23

Ia toho'mo suele nompatei mian nu Mesir samian anu daka' hondo na butongnyo; ko tangkasnyo molabi ohua' na meten. Mian aijo' ko toongon bau pimuhuk te talombo' anu daka' hondo, panyo ingahopan i Benaya ola amangkun na toongonnyo. Talombo' anu i lima nu mian nu Mesir aijo' ingagoannyo lantas aijo'mo na pinompateinyo mian aijo'.

1 TAWARIKH 20:6

I tampat sangga'at mule na pinahampatean kiijo' i Gat daagi ko samian anu daka' hondo na butongnyo kangkam nu limanyo kowi koanan bubuu' anon. Ia lee' mae nu mian anu toto daka-daka' na butongnyo nu aha anu tinumuu'mo tempo'nyo naipuan mae.

1 SAMUEL 17:4

Sahingga daagi ko samian anu baani na mahampate, sanggonyo i Goliat lengkat mae ikota' Gat nosabatmo mae i kemah nu aha mian Filistin da mongewamo eha mian no Israel. Kotangkasnyo kila-kila totolu' na meten,

1 SAMUEL 17:7

Pulu nu talombo'nyo sumo kau' pakakas anu bau pontonun na kodaka'nyo ka' mata nu talombo'nyo kila-kila popitu' na kilogram na koboatnyo. Samian na suludadu mamba aita momona momboakon kantanyo.

1 SAMUEL 21:9

Lantas tinaamanmo i Ahimelekh, “Aku uutu nompo'una' bajak i Goliat, mian nu aha Filistin anu pipinatean nu belento kiijo' i Bangka'nyo nu Ela; bajak uutu kiijo' isambiha' nu baju' nu imam, binalunan nu hude. De nuka'ima'i nu beleyum yo alamo kalana ola uutu na toongon anu bau pahampate.” I Daud notatae, “Bajak itina'atina'mo na bajak anu ma'ima' hondo i songko-songko na lipu', bee'mo mae hi belengku!”

1 SAMUEL 22:10

I Ahimelekh nompoitamo pokinde' hi Tumpu pa' apaa na anu tionyo ahi' nu bau i Daud. Ka' mule' i Daud binee'anmo mantu tiba bajak i Goliat, mian nu aha Filistin aijo'.”