1 TAWARIKH 20:4 - KITAB NU TUMPU ALLA LELE MA'IMAI'

⁴ Madi' pinin ilapas na aijo' nahampate mule' nongewa aha mian nu Filistin kiijo' i Gerar. I sala'sa'angu na tampat anu pinahampatean aijo' i Sibhai mian nu aha Husa nompateimo samian anu daka' hondo na butongnyo sanggonyo i Sipai. Sahingga mian nu Filistin pinatundu'mo.

1 TAWARIKH 20:4 ပူးပေါင်းရင်းမြစ်များ

KAJADIAN 14:5

Taun ko sampulu'nyo ka' opat, i Kedorlaomer ka' anu nosa'angu'mo tiba ia tinokamo nomboa suludadu nu aha ka' nompatundu'mo mian nu Refaim kiijo' i Asyterot-Karnaim, mian nu Zuzim kiijo' i Ham, mian nu Emim kiijo' i Syawe-Kiryataim,

2 SAMUEL 21:15

Mian nu aha Filistin ka' mian nu aha Israel po ule' mule' nahampate. I Daud tiba to sulu-suludadunyo nambamo nahampate nongewa mian nu Filistin. Aha nahampate aijo' i Daud kinainmo.

2 SAMUEL 21:16

Mamanga tinokamo mae na mian anu daka' hondo sanggonyo i Yisbi-Benob. Talombo'nyo tambaga na binau ko boatnyo kila-kila totolu' ka' mintonga' na kilogram. Ka' mule' ia nontakos mae bajak anu daagi' ahi' bu'ou, ka' kinila-kilanyo nu pateimo na i Daud.

1 TAWARIKH 14:16

Apaa na anu pinalentahkonmo nu Tumpu Allah hi ia binaunyomo. Ia ka' suludadunyo nompototumputimo suludadu nu aha Filistin lengkat pe'e i Gibeon tinoka-toka i Gezer.

YOSUA 16:3

Lengkat mae ikiijo' potempasannyo aijo' mokiijo'mo mompanjolongi kinsoban i da'erah nu aha mian nu Yaflet toka-toka mokiijo' i Bet-Horon-sasu Poiliannyo, lau-laus mokiijo' i Gezer, lantas puusnyomo i Ambai anu Totonga'nyo.