1 TAWARIKH 2:55 - KITAB NU TUMPU ALLA LELE MA'IMAI'

⁵⁵ Lengkat mae hi aha sa'anakan i Tirati, i Simati, tiba i Sukati, anu jojoong i kota' Yabes, atina'mo na to mia-mian anu toto pande-pande na montulis, ka' po'ule' montulis sulat anu penting hondo i sa'angu' sa sulat. Aha mian nu Keni anu no'osoa tiba mian nu Rekab.

1 TAWARIKH 2:55 ပူးပေါင်းရင်းမြစ်များ

2 TOMU-TOMUNDO' 10:15

I Yehu nolausakonmo lumambanannyo. Hau-haunyo i lumajang ia i lalabotmo i Yonadab anak i Rekhab. I Yehu nonsalando'aimo ia ka' notatae, “Te misa' kita aiya mompaha kona ahi'? Beleyum mongka' oho' montulungi aku?” “Ii',” na koonyo i Yonadab. “De sumo itina', imbo' da kita mompaha kawa,” na pinombalosi i Yehu. Aha nompaha kawamo ka' i Yehu nontulungimo i Yonadab sinumake' i karetanyo, ka' notatae,

1 TAWARIKH 2:54

I Salma aijo'mo na anu nombau kota' Betlehem, iamo na mompolee' mae nu mian Netofa, mian nu Atarot-Bet-Yoab, ka' mian nu Zori, aijo'mo sala' sa'angu' na aha sa'anakan mae anu ohua' aijo' anu jojoong i Manahti.

1 TAWARIKH 3:1

To ana-anak mo'ane i tomundo' Daud i hampe i Hebron, tatu-tatusannyo nu umun nu aha aijo'mo: i Amnon – Sanggo nu tinanyo i Ahinoam mian nu Yizreel i Daniel – Sanggo nu tinanyo i Abigael mian nu Karmeel i Absalom – Sanggo nu tinanyo i Maakha anak boune i Talmai, tomundo' nu Gesur i Adonia – Sanggo nu tinanyo i Hagit i Sefaca – Sanggo nu tinanyo i Abital i Yitream – Sanggo nu tinanyo i Egla.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

YEREMIA 35:19

Mokonyo aijo', Aku, Tumpu Anu Mahakuasa, Tumpu Allah Israel, balajanji'mo saba' lee' mae i Yonadab anak i Rekhab tionyo ahi' saja' daagi' ko samian na mo'ane na anu mombau apa-apaa na anu Ku palentahkon.”

YEREMIA 8:8

Baani hondo na belemiu motatae, tukoo miu belemiu pande ka' monsumbu' atulan-Ku! Soba toa mosia na atulan-Ku binali'anmo nu aha anu toto pande-pande i agama ka' geguan!

TO MIA-MIAN KOPIAN 1:16

Lee' mae nu monian i Musa, aijo'mo aha mian nu Keni, nombatuki mae mian nu Yehuda nosabat mae lengkat i Yerikho kota Kurma, ka' nambamo i da'erah anu mapeges sasu selatan Arad i da'erah nu Yehuda. Ikiijo' mae aha jinojoongmo itotonga' nu aha bansa Amalek.

TO MIA-MIAN KOPIAN 4:11

Tempo'nyo aitu i Heber, mian nu Keni, madi'mo natigalum i bansanyo. (Bansa Keni lee' mae i Hobab, dawok i Musa.) I Heber nambamo nompotinjo to kemah-kemahnyo koko kau' terpentin kiijo' i Zaanaim, madi' majo'on lengkat i Kedes.

1 SAMUEL 15:6

Ia mule' nompotuunmo pokinde'nyo hi aha mian nu Keni, tukoonyo, “Lako'mo ka' pala'imo naha mian nu Amalaek da boli belemiu kupatei hingga-hinggat tiba aha, kalana naipuan mae nompolee' nu belemiu nompotoamo kalakuan anu mompahakona tiba aha mian nu Israel tempo'nyo mian nu aha Israel tinokamo lengkat mae i Mesir.” Sahingga mian nu aha Keni nompala'imo tampat aijo'.