1 TAWARIKH 19:9 - KITAB NU TUMPU ALLA LELE MA'IMAI'

⁹ Mian nu Amon nosabatmo ka nomposadiamo suludadu nu aha i ahop nu sabatan daka' i kota' Raba puso nu kota' nu aha ka' to tomu-tomundo' anu tinokamo mae montulungi aha nomposadiamo suludadu nu aha i padang.

1 TAWARIKH 19:9 ပူးပေါင်းရင်းမြစ်များ

2 SAMUEL 10:8

Mian nu Amon nosabatmo mae ka' nomposadiamo suludadu nu aha i ahop nu sabatan daka' nu kota' nua ha aijo'mo kota' Raba ka' suele mian nu Siria, mian nu Tob tiba Maakha nomposadiamo suludadu nu aha i padang.

2 SAMUEL 18:4

Lantas notataemo na i tomundo' “Ma'ima'mo de sumo itina', yayamo belemiu.” Lapas aijo' ia tinuminjomo isohipi' nu sabatan daka' nu kota' ka' to sulu-suludadu nojiji'mo na nosabat toto sanggombu daagi ko anu sa madala na mian, ka' sa'atu na mian.

1 TOMU-TOMUNDO' 20:1

Daagi' kinosansinaan i Benhadad, tomundo' nu Siria nomposihukmo suludadunyo iwi-iwi', tiba aha 32 na tomundo' sangga'at ka' kereta anu bau pahampate, ka' kuda nu aha, lantas tinumbuhannyomo na kota Samaria.

1 TOMU-TOMUNDO' 20:24

Sahanyo uuka aiya aha to tomu-tomundo' anu 32 aijo' obolosimo nu posi to sulu-suludadu nu belento Tomundo' anu toto tangka-tangkas na pangkatnyo.

1 TAWARIKH 19:10

Tinoa i Yoab taalu' suludadu nu sampo bali' nontotonga'imo ia lengkat mae i ahopnyo ka' mule' lengkat mae i hikunyo. Kalana aijo' ia nompile'imo suludadu nu Israel anu makolit na mahampate ka' nongatunmo aha mompaha aho-ahop tiba suludadu nu aha Siria.

1 TAWARIKH 19:8

Salatan ihongomo i Daud na han aijo' ia nonsaimo i Yoab tiba iwi-iwi' na suludadunyo da mambamo mahampate mongewa sampo bali'.

2 TAWARIKH 13:3

I Abia nomboa aha 400.000 na suludadu, ka' suele i Yerobeam nomboa aha 800.000 na suludadu.

2 TAWARIKH 14:10

Sahingga nambamo na i Asa nongahopi i Zerah, ka' ua'aha aijo' bubu'mo nongatun suludadu nu aha i Bangka'nyo nu Zefata koko Meresa.

YESAYA 28:6

Tumpu mombalakatimo da adin na to mia-mian kopian ka' mule' da baani na to mia-mian anu monjaga kota' de bisuanyo ko anu mae montumbuhi.

YEREMIA 50:42

Aha nomboa mae toongon bau pahampate te pana' tiba talombo'; aha buhingison hondo ka' madi' monsumbu' mongampuni. Susumo onyi' nu ambai anu bikolonmo sumo aijo'mo na onyi' nu galupak nu ajahan nu aha anu pinolia'mo kalana mambamo montumbuhi Babel.

YOËL 2:5

Aha mahalumpatan aita' i bungkutnyo onyi'nyo sumomo daladak nu kareta pahampate ka' sumomo titihika' nu apu anu nomea'mo hondo. Aha nobalismo susumo sa'angu' na tumpukan nu suludadu anu baani hondo, anu sasadiamo mongahopi pahampatean.

1 SAMUEL 17:2

I Saul tiba aha mian nu Israel sinihukmo suele ka' nombaumo kemah i Bangka'nyo nu Ela; aha nogogaumo montanda'i Filistin mamba mae montumbuhi.