1 TAWARIKH 19:2 - KITAB NU TUMPU ALLA LELE MA'IMAI'

² Lantas pinoto'imo i Tomundo' Daud, “I Nahas bela'ku anu mompaha hongo-hongo hondo, jadi aku sumo aitu mule' na montoa i Hanun anaknyo.” Kalana aijo' i Daud nonsaimo mian namba i lipu' Amon da mongindeke' ia kalana tuumanyo sinilakamo. Salatan aha tinokamo i Amon,

1 TAWARIKH 19:2 ပူးပေါင်းရင်းမြစ်များ

2 SAMUEL 9:1

Daagi kino sansinaan i Daud nolelekimo, “Pa' daagi ko anu tinumuu' na lee' mae i Saul? De pa' daagi aku ko kahanda' ma'ima' hi ia kalana aku monginau' i Yonatan.”

2 SAMUEL 9:7

Notataemo na i Daud, “Boli mabuhuk. Ku kanonongimo na beleyum kalana monginau' i Yonatan tuuma nu beleyum. Iwi-iwi' na tano' anu nu kai' nu beleyum ku sule'akonmo hi beleyum ka' mule' sampe toka sidu-sidutu' beleyum mongkaanmo aiya ilaigan nu tomundo'.”

2 TOMU-TOMUNDO' 4:13

“Pokilawa hi ia apaa na bau pombalosingku lawenyo aijo' hi kita. Ugaat ia mongkahanda'i da aku mamba hi tomundo' kabai hi talenga' nu suludadu ka' monsale'akon apaa na anu ku kahanda'i.” Boune aijo' nontaami, “Aku jojoong hi to julu-julungku ka' iwi-iwi' daagi' ko anu hi belengku.”

1 TAWARIKH 19:1

Madi' pinin ilapas na aijo' i Nahas tomundo' nu aha Amon sinilakamo lantas i Hanun anaknyo momo'ane tinimbalimo tomundo'.

1 TAWARIKH 19:3

to pola-polaya' nu lipu' aijo' nompoto'imo hi Tomundo' Hanun, “Boli belento Tomundo' bapikin i Daud nonsai mae miannyo aijo' kalana ia kahanda' mongadati tuuma nu Belento Tomundo'! Ia nonsai mae mian haha aijo' ola da mamba mae mondoyoni ka' nu selidiki nu aha na lipu'to da timbali nu poko ala nu patundu' nu aha!”

NEHEMIA 13:1

Salatan Atulan i Musa binasa'akonmo hi mian da'isan, kiijo'je ka' i humpak na katalangannyo sumo uuka: ‘Mian nu Amon ka' Moab madi' hondo timbali maninggalo' tiba mian anu palesayamo hi Tumpu Allah,

NEHEMIA 4:3

Lantas i Tobia anu suele tinjo-tinjo koko hi ia suele notataemo, “Toa na pagan mesen anu binaumo nu aha aijo'! Ola dedeng nu alas timbalimo mohobo'akon!”

NEHEMIA 4:7

Salatan i Sanbalat, i Tobia ka' aha mian nu Amon ka' Asdod tiba to mia-mian nu Arab nohongomo mae taalu' pagan mesen nu Yerusalem binaumo ka' nompaka nalia'mo, ka' mule' pinaha tampolanmo na bolo'nyo aijo' i pagan mesen, aha nompaka potambuha'mo mule'.

ESTER 6:3

Pinokilawamo i tomundo, “Apaamo na binau pinoholomati ka' pinombalosi i Mordekhai anu nokalajamo ma'i-ma'ima' aijo'?” To posa-posaihon haha aijo' nontaami, “Ia madi' nohumpak apa-apaa.”

ANU MOMPOLELE POTATAE NU TUMPU 9:15

I uno nu kota' aijo' daagi ko samian anu kasiasi panyo pande. Ia na nomposalamat kota' aijo'. Panyo kalana ia kasiasi lawenyo kinolilimanmo ka' madi'mo daagi ko samian na anu nonginau' ia.

YOHANES 11:19

Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

1 SAMUEL 30:26

Salatan i Daud ninsusule'mo i Ziklag, sambagian na balang haha aijo' pinakatunyomo ka' binagi-bagiakonnyomo hi to pola-polaya' i kota' Yehuda anu nonsangaja'imo ia, ia notatae, “Aiyamo na palasen toka hi belemiu, balang anu pinahuhuakon mami mae hi aha sampo bali' nu Tumpu.”