1 TAWARIKH 19:11 - KITAB NU TUMPU ALLA LELE MA'IMAI'

¹¹ Labinyo nu suludadu nu aha Israel binee'nyomo hi Abisai utus ise'nyo na mongatun suludadu nu aha mompaha aho-ahop tiba suludadu nu Amon.

1 TAWARIKH 19:11 ပူးပေါင်းရင်းမြစ်များ

1 TAWARIKH 11:20

Aha tolumpulu' na suludadu anu toto tangka-tangkas na pangkatnyo aijo' ka' talasanggo aijo' suele osanggohi “Tridasawira”. Aha kinapalaan i Abisai utus ise' i Yoab. Daagi' kino minsan ia nompatei nu talombo' aha 300 na mian, sahingga ia tinalasanggomo. Panyo ia madi' ahi' sumo ko baani nu aha Triwira aijo'.

1 TAWARIKH 18:12

I Abisai (sanggo nu tinanyo i Zeruya) nompatundu'mo ka' nompateimo 18.000 na mian nu Edom i Bangka'nyo nu Asin.

1 TAWARIKH 19:10

Tinoa i Yoab taalu' suludadu nu sampo bali' nontotonga'imo ia lengkat mae i ahopnyo ka' mule' lengkat mae i hikunyo. Kalana aijo' ia nompile'imo suludadu nu Israel anu makolit na mahampate ka' nongatunmo aha mompaha aho-ahop tiba suludadu nu aha Siria.

1 TAWARIKH 19:12

I Yoab nottataemo hi utus ise'nyo aijo', “De aku madi'mo moko ala mongewa suludadu nu Siria sampe mae malia-lia' toka montulungi aku. Sumo aitu mule' suele de beleyum madi'mo moko ala mongewa suludadu nu Amon aku suele tokaje mae montulungi beleyum.

1 TAWARIKH 19:9

Mian nu Amon nosabatmo ka nomposadiamo suludadu nu aha i ahop nu sabatan daka' i kota' Raba puso nu kota' nu aha ka' to tomu-tomundo' anu tinokamo mae montulungi aha nomposadiamo suludadu nu aha i padang.