1 TAWARIKH 18:11 - KITAB NU TUMPU ALLA LELE MA'IMAI'

¹¹ Iwi-iwi' na palasen aijo' sinombahkon i Daud hi Tumpu da ogunakon de monsombahmo Tumpu. Susumo aitu suele na ia nombau pakakas mosoni' ka' salaka anu pinahuhuakonnyo mae hi Hadadezer ka' to bansa-bansa anu pinatundu'nyomo, aijo'mo bansa Edom, Moab, Amon, Filistin ka' Amalekh.

1 TAWARIKH 18:11 ပူးပေါင်းရင်းမြစ်များ

1 TOMU-TOMUNDO' 7:51

Salatan i Tomundo' Salomo noko potimbalimo Laigan nu Tumpu, pinaha po'una'nyomo i uno nu gudang nu Laigan aijo', iwi-iwi' na salaka', mosoni' ka' to paka-pakakas sangga'at apaa na anu sinombahkonmo i Daud tuumanyo, hi Tumpu.

2 TOMU-TOMUNDO' 12:18

Sahingga i Yoas nompakatumo doi da bau pontobus hi ia. Doi aijo' iwi-iwi' i humpaknyo hi anu osombahkon nu mian anu u'utu pe'e mae binee'mo i Yoas ka' i Yosafat. I Yoram ka' i Ahazia hi Tumpu, aijo'mo to tomu-tomundo' anu nompalentahmo ma'isa pe'e kino ianyo. Ka' suele iwi-iwi' na mosoni' i uno nu peti' ise-ise' anu kiijo' i Laigan nu Tumpu ka' i laigan nu tomundo'. Sahingga i Hazael madi'mo sinida na nontumbuhi Yerusalem.

1 TAWARIKH 18:10

Sahingga ia nonsaimo anaknyo momo'ane mamba mompotoka salando'nyo hi Tomundo' Daud ka' nompoto'i higahiakon kalana ia inguntungmo na nahampate aijo', kalana i Hadadezer toho'mo nahampate nongewa i tomundo' Tou. I Yoram tinokamo hi Daud nomboa manjoo' hondo na mosoni', salaka, bau palasen.

1 TAWARIKH 18:12

I Abisai (sanggo nu tinanyo i Zeruya) nompatundu'mo ka' nompateimo 18.000 na mian nu Edom i Bangka'nyo nu Asin.

1 TAWARIKH 22:14

Mongkona Laigan nu Tumpu aijo' aku binalausahamo totu-totu'u nolimu' 3.400 na ton nu mosoni' ka' 34.000 na ton nu salaka, aitu pe'e nolabimo. Ka' mule' daagi' ko tambaga ka' besak anu madi'mo opoko bilang na konjoo'nyo. Kau' ka' batu suele pinosadiangkumo, panyo daagi' ahi' beleyum montuangi.

1 TAWARIKH 26:20

To mia-mian sangga'at kona hi tulunan nu bansa Lewi binee'an kalaja montoa pakakas anu opake i Laigan nu Tumpu, ka' anu pino'una' i gudang, apa-apaa na anu binee' nu mian hi Tumpu Allah.

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

2 TAWARIKH 5:1

Salatan ilapasmo na i Tomundo Salomo nombau Laigan nu Tumpu aijo', pino'una'nyomo iwi-iwi na salaka, mosni', i gudang nu laigan aijo' ka' talakonan tiba pakakas sangga'at anu sinombahkonmo i Daud, tuumanyo hi Tumpu.

NOSABATMO 35:5

Boa na anu osombahkon hi Tumpu. Ihe na ko indi, tionyo monsombahkon mosoni', salaka, ka' tambaga;

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

YOSUA 6:19

Iwi-iwi' na pakakas, salaka, mosoni', tambaga ka' besak aijo' bau bagi nu Tumpu ka' opo'una' i tampat pompo'una'an halata' nu Tumpu.”

YOSUA 6:24

Lapas aijo' suludadu nu aha mian Israel nompapuimo kota aijo' iwi-iwi', tiba iwi-iwi' na anu i unonyo, panyo to paka-pakakas mosoni', salaka, tambaga ka' besak na madi' pinapuan. Pakakas haha aijo' ingala nu aha ka' binoa i tampat pompo'una'an halata' nu Tumpu.

1 SAMUEL 30:13

Lapas aijo' pinokilawamo i Daud hi ia, “Ihe na tuan nu beleyum ka' lengkat mae iya na beleyum? Tinaaman nu anak aijo', aku mian nu Mesir posihon nu aha mian Amalek. Aku pinala'ianmo nu tuanku tolunsinaamo kalana aku nasakitmo.

1 SAMUEL 30:20

Ka' mule' i Daud suele nompahuhuakonmo iwi-iwi' na domba, ka' potuu'on nu aha. Binatang haha aijo' binoamo nu to sulu-suludadu i Daud namba momona, panyo balang sangga'at anu pinahuhuakon mae na binoaje nu mian sangga'at, ka' koonyo nu aha, “Aiya i Daudmo na tumpunyo!”