1 TAWARIKH 17:8 - KITAB NU TUMPU ALLA LELE MA'IMAI'

⁸ Aku nontulungimo beleyum maumo pa' moya na beleyum mamba, ka' iwi-iwi' na sampo bali' nu beleyum Ku pateimo de beleyum mahampatemo. Beleyum Ku potimbalimo da talasanggo susumo to pola-polaya' anu talasanggo i dunia.

1 TAWARIKH 17:8 ပူးပေါင်းရင်းမြစ်များ

KAJADIAN 28:15

O inau' Ku tulungi ka' Ku jagai na beleyum, mau mule' pa' moya na beleyum ka' po'ule' Ku boa mae na beleyum i lipu' aiya. Madi' Ku pala'i na beleyum, sampe toka i tempo'nyo de apaa na anu jinanji'-Kumo hi beleyum, Ku baumo iwi-iwi'.”

2 SAMUEL 22:1

Salatan i Daud pinosalamatmo nu Tumpu lewa' nahampate nongewa i Saul ka' mule' hi iwi-iwi' na sampo bali'nyo sangga'at, i Daud nanyanyimo nyanyian nompuji Tumpu: (

2 SAMUEL 7:9

Aku saja'mo nonsangalui beleyum maumo pa' moyaya na beleyum, ka' sampo bali' nu beleyum iwi-iwi' singkapmo ihopu'an-Ku tempo'nyo beleyum nahampate. Beleyum Kupotimbalimo mian anu talasanggo susumo mian anu talasanggo i dunia aiya.

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

2 SAMUEL 8:8

Ka' sangga'at mule' tambaga' suele manjoo' hondo na ingala mae i Daud kiijo' i Betah ka' kiijo' i Berotai, to kota-kota' anu naipuan mae kinuasanmo i Hadadezer.

1 TAWARIKH 14:17

Sahingga tinalasanggomo na sanggo i Daud iyaya mae, ka' binaumo nu Tumpu da iwi-iwi' na bansa nongkabuhukmo i Daud.

1 TAWARIKH 17:17

Aitu pe'e manjoo'mo na anu lebe ma'ima' binau nu Belento; belento nonjanji'mo mosia saidi' mae na katimbaliannyo na lee'ku. Ka' mule' belento mompotimbalimo salaku mian daka' na pangkatnyo.

1 TAWARIKH 17:2

Tinaaman i Natan “Baumo iwi-iwi' na kahanda' i Tomundo' kalana Tumpu Allah montulungi belento Tomundo'.”

1 TAWARIKH 17:7

Kalana aitu, Natan, poto'iyakon hi posaihon-Ku i Daud, tukoong ku, Tumpu anu Daka' na kuasanyo mompoto'i hi ia, ‘Beleyum anu mokalaja molaya' domba i padang ingalang-Kumo ka' pinotimbaling-Kumo tomundo' nu mian Israel anu pinalesayamo hi belengku.

1 TAWARIKH 17:9

Hi mian nu Israel anu pinalesayamo hi beleng-Ku pinotoukang-Kumo na tampat da bau kajojoongan nu aha da aha tumuu' madi' ko anu daagi' mompoposia. Salatanmo pe'e aha tinoka i tano' aiya naipuan mae, ka' ma'isa pe'e aha kino tomundo'nyo aha tinumbuhanmo nu to mia-mian anu pagalamo mompakisa mongkuasai. Panyo han aijo' madi'mo po'ule' jadi. Aku balajanji' mompotundu'mo iwi-iwi' na sampo bali' nu belemiu ka' Ku balakatimo na belemiu da molee'.

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

MAZMUR 18:1

Anu mongkapalai panyanyi. Mazmur i Daud, posaihon nu Tumpu. Inyanyiakon hi Tumpu salatan i Daud madi'mo pinoposia i Saul ka' aha anu monsampobali' ia.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 71:21

Belento po'ule'mo mompotimbali aku da lebe oholomati, ka' po'ule' mule' momposanang kinyonyoangku.

MAZMUR 75:7

Kalana anu momputusi ulusan misa' molengkat mae i sasu kabete'an kabai i sasu kinsoban misa' mule' molengkat mae i sasu utara kabai i sasu selatan.

LUKAS 1:52

To Tomu-tomundo tinauhakon-Nyo na pangkatnyo ka' mian loloison i hangkatakon.

1 SAMUEL 18:14

Ia saja mingkaliangan de mompojalanmo kalajanyo kalana Tumpu na montulungi ia.

1 SAMUEL 18:28

Sumo aijo' na Saul sininsumbu'je taalu' i Daud nu jagai nu Tumpu ka' suele nu ka'ima'i i Mikhal anak i Saul lalangkoyang.

1 SAMUEL 26:10

I uno nu sanggo nu Tumpu anu tumuu' ku sumpa'akon saba' Tumpuje na mompatei i Saul de ukunnyo tokamo mae kabai de ia matemo i uno nu pahampatean.