1 TAWARIKH 17:6 - KITAB NU TUMPU ALLA LELE MA'IMAI'

⁶ Sumo uukamo na kinopinnyo na Aku mamba moyaya tiba bansa Israel ma'isa toho' pinokilawang-Ku hi to pola-polaya' anu pinile'an-Kumo, apaa na sababnyo aha madi' mombaui sa'angu' na laigan anu kau' lontio' nu Libanon na obau.’

1 TAWARIKH 17:6 ပူးပေါင်းရင်းမြစ်များ

2 SAMUEL 7:7

Sumo uukamo na kinopinnyo Aku lewa' namba noyaya tiba bansa Israel, ma'isa toho' Aku nompokilawa hi to pola-polaya' anu pinile'an-Kumo, apaa na sababnyo sahingga aha madi' mombaui Aku laigan, te kau' lontio' i Libanon na mamba o ala.’

1 TAWARIKH 11:2

Salatan pe'e naipuan mae, ka' mule' tempo'nyo i Saul daagi' nompalentah kami, belentomo Tomundo' na nongkapalai suludadu nu Israel de mambamo na aha mahampate. Ka' ule' Tumpu Allah nu Belento Tomundo' binalajanji'mo tukoonyo belentomo Tomundo' na mompalentah mian anu pinalesayamo hi aha ka' baumo tomundo' nu aha.”

1 TAWARIKH 17:7

Kalana aitu, Natan, poto'iyakon hi posaihon-Ku i Daud, tukoong ku, Tumpu anu Daka' na kuasanyo mompoto'i hi ia, ‘Beleyum anu mokalaja molaya' domba i padang ingalang-Kumo ka' pinotimbaling-Kumo tomundo' nu mian Israel anu pinalesayamo hi belengku.

YEREMIA 23:4

Aku mohangkatmo polaya' da monjagai aha. Mian anu palesayamo hi beleng-Ku madi'mo daagi' mabuhuk ka' madi'mo daagi' saja' nu lakat; madi'mo daagi' maga'a na mian anu aijo' hi aha. Aku, Tumpu notataemo.”

YEHEZKIEL 34:2

“O manusia anu madi' tumuu' batu, pisala'i na to tomu-tomundo' nu aha Israel, ka' poto'i apaa na anu tinaloakon-Kumo nu Aku Tumpu Anu Matangkas na Kuasanyo hi aha, ‘Silakamo na belemiu o to pola-polaya' nu Israel. Belemiu ola mompotutugakon posi kapentingan nu belemiu misa' da bau kapentingan nu domba nu belemiu haha atina.

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

MATIUS 2:6

‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

SISIKON NU TO RASUL-RASUL 13:20

Iwi-iwi' aijo' pato atu limampulu' na taun na kopinnyo. Pinoko bagi na lipu' Kana'an aijo', Tumpu nombee'imo aha hakim-hakim. Hakim imihinyo aijo'mo i Nabi Samuel.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 23:14

Tumpu nu belemiu na montoa belemiu i kemah miu ka' monjagai belemiu ka' mombee'i belemiu ka'untungan de mahampatemo tiba sampobali' nu belemiu. Jadi sabole-bole o inau' da kemah miu tataap belesi'. Boli sampe daagi' ko apa-apaa anu madi' singkosok atina' hi belemiu, da belemiu boli nupala'i nu Tumpu.”

ANU PINOTO'I HI YOHANES 2:1

“Toka hi malaikat anu kiijo' i jama'at nu Efesus, tulismo sumo uuka: Aiyamo na potuunon lengkat mae hi Ia anu montoongi popi-popitu' na mandala' i lima koanan-Nyo, ka' i lumajang i olot nu popi-popitu' na tengke nu sulu' mosoni' aijo'.

1 SAMUEL 12:11

Lapas aijo' Tumpu nonsaimo i Gideon, lapas aijo' i Barak, ka' lapas aijo' mule' i Yefta, ka' imihinyo mae akumo. Kami toto samian nompobebasmo belemiu da boli nu poposia nu sampo bali' nu belemiu sahingga belemiu noko alamo tinumuu' madi'mo ko anu nompoposia.