1 TAWARIKH 17:27 - KITAB NU TUMPU ALLA LELE MA'IMAI'

²⁷ Kalana aijo' kukakase, de tibali balakatiakonmo mae na lee'ku da sampe toka sidu-sidutu' aha saja' mongoa'i kalibosan nu Belento. Kalana belento nombalakatimo mian anu pinalesayamo hi belento, o Tumpu sahingga aha saja' obalakati sampe toka sidu-sidutu'.”

1 TAWARIKH 17:27 ပူးပေါင်းရင်းမြစ်များ

KAJADIAN 27:33

I Ishak nontampu'unimo i langkakatan na butongnyo iwi-iwi' ka' ia nompokilawamo, “Desumo aitu ihe na anu nombebasmo binatang ka' nomboamo mae hi belengku u'uka? Kinaankumo ma'isa pe'e beleyum tinoka. Lantas aku nombee'mo balakatku anu pupusnyomo, ka' uuka balakat aiya, tinimbalimo anunyo sidu-sidutu'.”

1 TOMU-TOMUNDO' 2:33

Hukuman kalana ua'aha na suludadu anu matangkas na pangkatnyo pinateanmo i Yoab na montanggung ka' lee'nyo sampe toka sidu-sidutu'. Panyo' lee' nu tuumangku iwi-iwi' anu bau tomundo' saja' nu abalakati nu Tumpu – aha saja' mohumpak dale'.”

1 TOMU-TOMUNDO' 2:45

panyo' aku nu balakati nu Tumpu ka' kalaja'an nu tuumangku sabole-bole ahi' nu balakati sampe toka sidu-sidutu'.”

1 TAWARIKH 17:26

Belento, Tumpu, aijo'mo na Tumpu Allah, ka' han anu ma'ima' aijo' jinanji'mo nu Belento hi belengku.

1 TAWARIKH 18:1

Madi' pinin lapas aijo' i Tomundo' Daud nontumbuhimo ka' nompatundu'mo mian nu Filistin ka' nongalamo kota' Gad tiba to kampu-kampungnyo.

1 TAWARIKH 28:4

Tumpu Allah anu nu sombah nu aha Israel nompile'imo aku ka' lee'ku saidi' mae na mompalentah Israel sampe toka sidu-sidutu'. Anu pinosadia bau polaya', Ia nompile'imo tulunan nu bansa Yehuda ka' lengkat hi tulunan aijo' ia nompile'imo auwan nu tuumangku. Ka' iwi-iwi' na mian hi auwan nu tuumangku Ia sinanangmo na nompile' aku ka' nohangkatmo aku binau tomundo' nu aha Israel iwi-iwi'.

MAZMUR 21:6

Kalana tinulunganmo nu Belento, ia ingangga'anmo hondo pinotimbalimo nu Belento na ia da tinalasanggomo ka' binilahimo.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

NOMBILANGMO 23:20

Aku sinai mae da mombalakati; ka' de Tumpu Allah mombalakatimo, madi'mo po'ule' Nu babali'i.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

PO'ULE' INGULIT 15:6

Nubalakatije nu Tumpu Allah nu belemiu na belemiu susumo anu jinanji'-Nyomo. Belemiu momposabon doi hi to bansa-bansa panyo belemiu na madi' ahi monsabon; okuasaimo miu na to bansa-bansa panyo aha madi' mongkuasai belemiu.