1 TAWARIKH 17:22 - KITAB NU TUMPU ALLA LELE MA'IMAI'

²² Bansa Israel pinotimbalimo nu Belento mian anu pinalesayamo hi belento sampe toka sidu-sidutu'. Ka' belento O Tumpu tinimbalimo Tumpu Allah nu aha.

1 TAWARIKH 17:22 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

2 SAMUEL 7:24

Bansa Israel pinotimbalimo nu belento mian anu pinalesayamo hi belento sampe toka sidu-sidutu' ka' belentomo ahi' o, Tumpu na timbali Tumpu Allah nu Aha.

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TAWARIKH 17:21

I dunia songko-songko madi' ko bansa anu sumo Israel. Ola sa'a-sa'angu'nyomo bansa Israel, na anu pinobebasmo nu Belento tempo'nyo aha binotuanan da timbalimo mian anu palesayamo hi belento. Iwi-iwi' na anu talasanggo ka' anu okabangangi, anu binaumo nu Belento hi aha nompotimbalimo sanggo nu Belento tinogilele i songko-songko na dunia. Belento nompobebasmo mian anu pinalesayamo hi belento lengkat mae i Mesir, ka' nongalinimo to bansa-bansa sangga'at tempo'nyo mian anu pinalesayamo hi belento nambamo nahampate.

1 TAWARIKH 17:23

Uuka aiya o Tumpu Allah, de timbali pohosonakonmo mae na pala janjian sampe toka sidu-sidutu' anu mongkona butongku ka' lee'ku anu tinaloakonmo nu Belento. De timbali baumo apaa na anu jinanji'mo nu Belento aijo'.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.