1 TAWARIKH 17:19 - KITAB NU TUMPU ALLA LELE MA'IMAI'

¹⁹ Posi pongka'oho' nu Belento ka' na anu bau kapentinganku, nombaumo na belento iwi-iwi' na han anu daka' aiya madi' pinohowini.

1 TAWARIKH 17:19 ပူးပေါင်းရင်းမြစ်များ

2 SAMUEL 7:21

Posi anu jinanji'mo nu belento Tumpu, ka' posi pongka'oho' nu belento Tumpu, Tumpu nombaumo hahan anu daka' da bau salaku pongajan posaihon nu belento aiya.

1 TAWARIKH 17:18

Daagi' apaa na anu ku taloakon hi belento, O Tumpu Allah? Belento monsumbu' iwi-iwi' ka'ada'an nu posaihon nu Belento aiya, panyo belento mongadati mae aku.

1 TAWARIKH 17:20

Ola belento na Tumpu Allah, madi' ko anu pokakana tiba belento. Osumbu' mami na han aijo' kalana pinoto'imo salatan naipuan mae.

MAZMUR 111:3

Pakalaja'an nu Tumpu talasanggo hondo ka' talalo o puji', ka'adilan-Nyo sampe toka sidu-sidutu'.

MAZMUR 111:6

Ia nompotoamo kuasa-Nyo hi mian anu palesayamo hi Ia, ka' nombee'imo aha tano' pusaka nu to bansa-bansa.

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 49:3

Pinoto'i-Nyo hi belengku, “Beleyumo na posaihon-Ku; Aku saidi' mae oholomati kalana beleyum.”

DANIEL 9:17

O, Tumpu mami potombihingakon pe'e mae na do'a ka' mule' anu ku kakase. Po'ule'akon mae da ma'ima' na laigan nu Belento anu i hansunmo aijo', po ule' pokopianiakon mae da iwi-iwi' na mian monsumbu' talu' Belento Tumpu.

MATIUS 11:26

Aijo'mo na anu momposanang kinyonyoa nu Tuuma.”

EFESUS 3:11

Tumpu nombau aijo' pokakana tiba tanga'an-Nyo anu madi' ko kamingkotannyo, sampe toka sidu-sidutu', anu binau-Nyomo nontului jalan hi Kristus Yesus Tumpunto.