1 TAWARIKH 17:18 - KITAB NU TUMPU ALLA LELE MA'IMAI'

¹⁸ Daagi' apaa na anu ku taloakon hi belento, O Tumpu Allah? Belento monsumbu' iwi-iwi' ka'ada'an nu posaihon nu Belento aiya, panyo belento mongadati mae aku.

1 TAWARIKH 17:18 ပူးပေါင်းရင်းမြစ်များ

1 TAWARIKH 17:17

Aitu pe'e manjoo'mo na anu lebe ma'ima' binau nu Belento; belento nonjanji'mo mosia saidi' mae na katimbaliannyo na lee'ku. Ka' mule' belento mompotimbalimo salaku mian daka' na pangkatnyo.

1 TAWARIKH 17:19

Posi pongka'oho' nu Belento ka' na anu bau kapentinganku, nombaumo na belento iwi-iwi' na han anu daka' aiya madi' pinohowini.

MAZMUR 139:1

Anu mongkapalai panyanyi. Mazmur i Daud. O Tumpu, Belento mompangalati'i aku ka' monsumbu' aku.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.