1 TAWARIKH 17:14 - KITAB NU TUMPU ALLA LELE MA'IMAI'

¹⁴ Anak nu beleyum anu momo'ane anu pinile'an-Kumo aijo' Ku potimbalimo tomundo' hi aha mian anu pinalesayamo hi beleng-Ku, ka' kalaja'an-Ku sampe toka sidu-sidutu' ka' anak makumpunyo molapi-lapis na lee'nyo na mompalentah salaku tomundo'.’ ”

1 TAWARIKH 17:14 ပူးပေါင်းရင်းမြစ်များ

1 TAWARIKH 17:13

Aku na timbali tuumanyo ka' ia timbalimo anak-Ku momo'ane. Aku saja' mombau anu ma'ima' hi ia susumo anu jinanji'-Kumo. Anu jinanji'-Kumo sabole-bole Ku toongi, madi' susumo anu binaung-Kumo hi Saul anu madi'mo bine'an-Ku pangkat, da beleyum na timbali tomundo'.

1 TAWARIKH 17:15

I Natan nompoto'imo hi Daud iwi-iwi' apaa na anu pinoto'imo nu Tumpu Allah hi ia.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 89:36

Ola minsan na aku binasumpa' panyo nukonamo sampe toka sidu-sidutu' i uno nu sanggong-Ku anu susi'; aku madi'mo ahi' mombaleko'i i Daud.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.